Մարտին Շուլցը Թրամփին, Պուտինին եւ Էրդողանին «ինքնակալ իշխողներ» է անվանել

Եվրամիությունն ավելի խիստ պետք է արձագանքի Թուրքիայում, ԱՄՆ-ում եւ Ռուսաստանում ժողովրդավարության թուլացմանը։

Այս մասին հայտարարել է Սոցիալ-դեմոկրատների առաջնորդ, Եվրախորհրդարանի նախկին ղեկավար Մարտին Շուլցը։

Նրա խոսքով՝ կարեւոր է երիտասարդացնել Եվրոպան եւ այն ավելի ուժեղ դարձնել։ «Ոչ միայն խոսքով, այլեւ հստակ քաղաքականությամբ»,- Passauer Neue Presse-ի հետ հարցազրույցում ասել է Շուլցը։ Նա նշել է, որ G20-ում ոմանք իրենց ինքնակալ իշխողների նման են պահում՝ մատնանշելով ԱՄՆ-ի, Ռուսաստանի եւ Թուրքիայի նախագահներին։

News.am