Նիդերլանդները Բոսինայի մուսուլմանների կոտորածի գործով մեղավոր ճանաչվեց
Նիդերլանդների գերագույն ատյանն այդ երկրի կառավարությանը որոշ դեպքերում մեղավոր է ճանաչել 1995 թվականին Սրեբրենիցա քաղաքում բոսնիացիների կոտորածի գործով:
«Անատոլու» լրատվական գործակալության հաղորդման համաձայն, Հաագայի վերաքննիչ դատարանը երեքշաբթի օրը հաստատեց 2014 թվականին հրապարակված վճիռը, որը բոսնիացի 300 մուսուլմանների կոտորածի գործով պատասխանատու է ճանաչել նիդերլանդացի խաղաղապահ ուժերին:
Հաագայի տարածքային դատարանը 2014 թվականին քննելով Սրեբրենիցայի մայրերի միության կողմից հարուցված գործը, Նիդերլանդների կառավարությանը մեղավոր ճանաչեց 1995 թվականին Սրեբրենիցա քաղաքի բնակիչ 300 տղամարդկանց սերբ զորայիններին հանձնելու նիդերլանդացի զինվորների քայլի համար :
Նիդերլանդների կառավարությունը պարտավորվել է վճարել Սրեբրենիցայի զոհերի հարազատների պահանջած դրամական հատուցման 30 տոկոսը:
1995 թվականի հուլիս ամսին Սրեբրենիցա քաղաքը սերբերի կողմից գրավվելուց հետո, բոսնիացի խաղաղ քաղաքացիներն ապաստանեցին ՄԱԿ-ի խաղաղապահ ուժերի շրջագծում ծառայող նիդերլանդանցի զինվորների մոտ: Սակայն վերջիններս չնայած բոսնիացի խաղաղ քաղաքացիների պաշտպանության համար կրած պատասխանատվությանը, նրանց հանձնեցին սերբերին:
Սերբերն այդ ոճրագործության ընթացքում անտառային տարածքներում, արհեստանոցներում ու պահեստավայրերում սպանեցին ավելի քան 8000 բոսնիացիների:
