Քըլըչդարօղլուն որոշել է ավարտել «արդարության երթը»
Հուլիսի 8-ին Թուրքիայի գլխավոր ընդդիմադիր «Ժողովրդահանրապետական» կուսակցության ղեկավար Քեմալ Քըլըչդարօղլուն հայտարարել է, որ Անկարայից մինչև Ստամբուլ 28 օր տևողությամբ և 450 կմ. ձգվող «արդարության երթ»-ն ավարտվելու է:
Իրանի ռադիո-հեռուստատեսության լուրերի ծառայության հաղորդմամբ՝ ԺՀԿ-ական պատգամավոր Էնիս Բերբերօղլուին 25 տարվա ազատազրկման դատապարտելու որոշումը բողոքարկելու նպատակով անցկացվող երթը գլխավորում է կուսակցության 68-ամյա ղեկավար Քեմալ Քըլըչդարօղլուն:
ԺՀԿ-ի ղեկավարի այդ նախաձեռնությունը դարձել է Թուրքիայի նախագահ Ռեջեբ Թայիբ Էրդողանի հազարավոր ընդդիմադիրների մեծ երթը:
Հղում անելով թուրքական աղբյուրների, ԻՌՆԱ գործակալությունը մեկ այլ լուրով հաղորդել է, որ Թուրքիայի «Արդարություն և զարգացում» իշխող և «Ազգային շարժում» կուսակցությունները Թուրքիայի 18 կետանոց Սահմանադրության բարեփոխման հեղինակներն են, որոնք խորհրդարանին աղմկահարույց օրինագիծ ներկայացնելով, պահանջել են գումարային տուգանք սահմանել Քուրդստան բառը գործածող պատգամավորների համար:
