Դադարեցվել է Չինաստան-Հյուսիսային Կորեա ռազմական համագործակցությունը
Չինաստանի պաշտպանության նախարարությունը ժամանակավորապես դադարեցրել է Հյուսիսային Կորեայի հետ ռազմական համագործակցությունը:
Չինաստանի պաշտպանության նախարարությունը հայտարարել է, որ Փխենյանի հետ ռազմական համագործակցության դադարեցումը կատարվել է ի նշան բողոքի Հյուսիսային Կորեայի միջուկային ու հրթիռային փորձարկումների դեմ:
Չինաստանի պաշտպանության նախարարության հաղորդագրության մեջ ասված է, որ տարբեր պատճառներով, այդ թվում՝ Հարավային Կորեայում ամերիկյան ԹԱԴ հրթիռային համակարգի տեղակայման և ԱՄՆ-Հարավային Կորեա զորավարժությունների պատճառով իրավիճակը լարված է Կորեական թերակղզում:
Հյուսիսային Կորեայի իրականացրած միջուկային փորձարկումների, և Փխենյանի դեմ ՄԱԿ-ի Անվտանգության խորհրդի կիրառած նոր պատժամիջոցների շրջանակում, անցած փետրվարի 18-ին, Չինաստանը մինչև 2017 թ. ավարտը դադարեցրել է Հյուսիսային Կորեայից քարածխի ներկրումը:
Վերջերս Հարավային Կորեայի նախագահ Մուն Չժե Ինը Չինաստանի պաշտոնատարներից խնդրել էր սահմանափակել Հյուսիսային Կորեայի տեղաշարժերը:
