ԵՄ.«Թուրքիան պետք է հարգի ժողովրդավարական արժեքները»
Թուրքիայում ձախողված հեղաշրջման կազմակերպիչների դեմ նախագահ Էրդողանի կոշտ հայտարարություններից մեկ օր անց Եվրահանձնաժողովի նախագահ Ժան Կլոդ Յունկերը հայտարարել է.«Եթե Թուրքիան հավակնում է անդամակցել Եվրամիությանը, պետք է հարգի ժողովրդավարական արժեքները»։
Գերմանական «Բիլդ» պարբերականում լույս տեսած հոդվածում Եվրահանձնաժողովի նախագահ Ժան Կլոդ Յունկերը գրել է.«Թուրքիան պետք է հստակորեն ապացուցի եվրոպացի լինելու իր կամքը և ամենայն հարգանքով ընդունի եվրոպական հիմնարար արժեքները»:
Թուրքական ծագմամբ գերմանացի լրագրող Դենիզ Յուջելի մասին, ում Անկարան մեղադրում է ահաբեկչությանն աջակցելու մեջ, Եվրահանձնաժողովի ղեկավարն ասել է.«Որպես օրինակ մարդու իրավունքները, մամուլի ազատությունը և օրենքի իշխանությունը չեն համապատասխանում չհիմնավորված մեղադրանքով մի քանի ամսով լրագրողների կալանավորմանը»:
Հուլիսի 15-ին կազմակերպած հեղաշրջման փորձի առաջին տարելիցի օրն ունեցած ելույթում Թուրքիայի նախագահ Ռեջեբ Թայիբ Էրդողանը խոստացավ գլխատել բոլոր դավաճաններին:
