Էրդողանի պատասխանը՝ ԱՄՆ-ի դժգոհությանը

Թուրքիայի նախագահ Ռեջեփ Թայիփ Էրդողանը հայտնել է, որ պատճառ չի տեսնում ԱՄՆ-ի կողմից անհանգստանալու համար՝ կապված Անկարայի և Մոսկվայի բանակցությունների հետ ռուսական C-400 զենիթա-հրթիռային համալիրներ գնելու հարցով: Այս մասին գրում է «РИА Новости» լրատվական գործակալությունը:

Նախօրեին ԱՄՆ զինված ուժերի շտաբների ղեկավարների միացյալ կոմիտեի ղեկավար Ջոզեֆ Դանֆորդը հայտնել էր, որ Թուրքիայի կողմից ռուսական զենիթա-հրթիռային համալիրների գնումը Վաշինգտոնում անհանգստության առիթ է դարձել:

«Ինչո՞ւ դա պետք է անհանգստություն առաջացնի: Ամեն երկիր պետք է որոշակի քայլեր անի իր անվտանգությունն ապահովելու համար: Որ կողմից այդ քայլերը հնարավոր է ապահովել, այդ կողմ էլ գնում են քայլերը»,- նշել է Թուրքիայի նախագահը:

operativ.am/