Փարիզը արձագանքել է ԱՄՆ-ի ընդունած նոր պատժամիջոցների օրինագծին
Ֆրանսիայի կառավարությունը հայտարարել է,որ ԱՄՆ-ի կողմից ընդունված Իրանի, Ռուսաստանի ու Հյուսիսային Կորեայի դեմ նոր պատժամիջոցների օրինագիծը հակասում է միջազգային իրավունքի նորմերին:
Reuters լրատվական գործակալությունը Փարիզից հաղորդել է, որ Ֆրանսիայի ԱԳ նախարարությունը չորեքշաբթի օրը հրապարակել է հաղորդագրություն, որում ասված է,-«Իրանի ,ՌԴ-ի և Հյուսիսային Կորեայի դեմ նոր պատժամիջոցների մասին ԱՄՆ-ի ընդունած օրինագիծը հակասում է միջազգային իրավունքի նորմերին»:
Ֆրանսիայի ԱԳ նախարարությունը իր հաղորդագրության մեջ ընդգծել է.«Հաշվի առնելով այդ պատժամիջոցների հավանական ազդեցությունը Եվրոպայի քաղաքացիների և եվրոպական ընկերությունների վրա, անհրաժեշտ է բանակցություններ անցկացնել Եվրամիությունում»:
Ռուսական գազը Եվրոպա փոխադրող «Հյուսիսային հոսք-2» գազատարի նախագիծը Ռուսաստանի դեմ ԱՄՆ-ի նոր պատժամիջոցների թիրախում է: Հատկանշական է, որ այդ նախագծում ներդրում են կատարել մի քանի ֆրանսիական ընկերություններ, այդ թվում Engie ընկերությունը:
