Ֆրանսիայի ԱԳ նախարարությունը դեմ է ՀԳՀԾ-ի վերաբերյալ նոր բանակցությանը
Ֆրանսիայի ԱԳ նախարարությունը հայտարարեց, որ ՀԳՀԾ-ի վերաբերյալ նոր բանակցությունը չի համապատասխանում Փարիզի ցանկությանը:
Իրանի ռադիո-հեռուստատեսության լրատվական գործակալության հաղորդման համաձայն` Ֆրանսիայի ԱԳ նախարարության չորեքշաբթի օրը հրապարակված հաղորդագրության մեջ անդրադարձ է արված ՀԳՀԾ-ն կրկին բանակցության թեմա դարձնելու շուրջ ամերիկացիների դիրքորոշումներին և ասված է. «Ֆրանսիան չի ցանկանում, որ կրկին բանակցություններ տեղի ունենան, այլ պահանջում է ՀԳՀԾ-ի մանրակրկիտ գործադրումը»:
«Իրանի միջուկային համաձայնությունը վավերացվել է միջազգային հանրության կողմից և արդեն երկար ժամանակ բոլոր կողմերը գործադրում են այն»,-ասված է հաղորդագրության մեջ:
Ֆրանսիայի ԱԳ նախարարությունը հայտարարել է. «2016 թվականի հունվարից Իրանի միջուկային համաձայնության գործադրումը հաջողությամբ իրականացվում է և Ֆրանսիան անցած տարվա հունվարից ի վեր շարունակ ընդգծել է դրա մանրակրկիտ գործադրման անհրաժեշտությունը»:
ՀԳՀԾ-ն գործադրման հանձնվելուց հետո ԱՄՆ-ն շարունակ ոտնահարել է Իրանի հետ միջուկային համաձայնությունը: ԱՄՆ-ն Իրանի դեմ կրկին շրջափակումներ գործադրելով նպատակ ունի թուլացնել ՀԳՀԾ-ն:
