Ճապոնիան Հյուսիսային Կորեային մեղադրել է սադրանքների մեջ

Հյուսիսային Կորեայի գործողություններն ու հայտարարություններն ի պատասխան ԱՄՆ-ի եւ Հարավային Կորեայի համատեղ զորավարժություններին, սադրանք են ու անընդունելի:

Այս մասին հայտարարել է Ճապոնիայի կառավարության գլխավոր քարտուղար Յոսիհիդե Սուգան:

«ՌԻԱ նովոստիի» փոխանցմամբ, երկուշաբթի ԿԺԴՀ պաշտպանության կոմիտեն, որը գլխավորում է այդ երկրի առաջնորդ Կիմ Չեն Ընը, հայտարարել է, որ Փհենյանը պատրաստ է իր անվտանգության համար կանխարգելիչ հարված հասցնել ԱՄՆ-ին եւ Հարավային Կորեային՝ ամերիկա-կորեական զորավարժությունների ժամանակ:

Հիշեցնենք, որ ԱՄՆ-ն եւ Հարավային Կորեան խոշոր վարժանքներ են իրականացնում: