Ռոհանի.«Տարածաշրջանի սահմաններում ցանկացած փոփոխություն վտանգավոր է»
ԻԻՀ նախագահը նշել է, որ Իրաքի Քուրդստանի տարածքում հանրաքվեի անցկացման հարցը և տարածաշրջանի երկրների սահմանն ու աշխարհագրությունը փոխելու ուղղոթյամբ ցանկացած քայլ վտանգավոր է:
Երկուշաբթի օրը, Նյու-Յորքում ՄԱԿ-ի գլխավոր ասամբլեայի անդամ երկրների վեհաժողովի շրջանակում, ՄԱԿ-ի գլխավոր քարտուղար՝ Անտոնիո Գուտերեշի հետ հանդիպման ժամանակ, տարածաշրջանային խնդիրների կարգավորման ուղղությամբ ՄԱԿ-ի հետ համագործակցելու Իրանի պատրաստակամությունը հայտնելով, ԻԻՀ նախագահ՝ Հասան Ռոհանին ասել է.«ՀԳՀԾ-ն կարող է լավ օրինակ հանդիսանալ տարածաշրջանի ու աշխարհի խաղաղության ու կայունության համար և մեծ նշանակություն ունի ՄԱԳԱՏԷ-ի և ՄԱԿ-ի գլխավոր քարտուղարի պարտականությունը ՀԳՀԾ-ն հովանավորելու հարցում»:
Հանդիպման ժամանակ, անդրադառնալով Իրաքի Քուրդստանում անկախության հանրաքվեի անցկացման հարցին և իր հովանավորությունը հայտնելով Իրաքի Սահմանադրության ու տարածքային ամբողջականության նկատմամբ, ՄԱԿ-ի գլխավոր քարտուղար Անտոնիո Գուտերեշն ասել է.«Իրաքի կամ Սիրիայի մասնատումը տարածաշրջանի կայունության օգտին չէ և ՄԱԿ-ը պատրաստ է համագործակցել Իրանի հետ՝ տարածաշրջանային անվտանգության ու կայունության պահպանման ուղղությամբ»:
Նշելով, որ Իրանը կատարել է իր հանձնառությունները ՀԳՀԾ-ի կապակցությամբ, Գուտերեշը կարևորել է բոլոր կողմերի կողմից այս համաձայնության կատարյալ իրագործումը:
