ՆԱՏՕ-ն անհանգստացած է Ռուսաստանի պատճառով

ՆԱՏՕ-ի գլխավոր քարտուղար Յենս Ստոլտենբերգը հայտնել է, որ դաշինքն անհանգստացած է ՌԴ-ի ուժերի՝ Սիրիայում և Միջերկրական ծովի շրջանում մեծ թիվ կազմելու և ավելի շատանալու պատճառով: Այս մասին հայտնում է «Звезда» հեռուստաընկերությունը:

Հարկ է նշել, որ գլխավոր քարտուղարի մեղադրանքները, ինչպես նախորդ անգամներին, այս անգամ ևս բացատրված և հիմնավորված չեն:

Ավելի վաղ ՌԴ ՊՆ ներկայացուցիչ Իգոր Կոնաշենկովն արդեն մեկնաբանել է նման հայտարարությունները, որոնք հնչում են ՌԴ հասցեին: Այսպես, ինչպես ընդգծել է գեներալ-մայորը, Մոսկվային փախստականների ճգնաժամում մեղադրելն անհիմն է:

«Ռուսաստանն իր գործողությունները Սիրիայում սկսել է ավելի ուշ, քան բռնկվեց փախստականների ճգնաժամը՝ սեպտեմբերի 30-ին, և այդ պատճառով ոչ մի կապ չի կարող ունենալ դրա հետ»,- նշել է ՌԴ ՊՆ ներկայացուցիչը:

operativ.am

8/3/2016