Վրաստանը, Ադրբեջանը եւ Թուրքիան խողովակաշարերի պաշտպանության համատեղ վարժանքներ են անցկացնում

Թբիլիսիում ընթանում են երեք երկրների՝ Վրաստանի, Ադրբեջանի եւ Թուրքիայի ETERNITY 2017 շտաբային վարժանքները:

Այդ մասին ասված Է Վրաստանի պաշտպանության նախարարության կայքում, տեղեկացնում Է «Արմենպրես»­-ը: Թբիլիսիի Վրաստան-­ՆԱՏՕ վարժանքների եւ գնահատումների համատեղ կենտրոնում անցկացվող հրամանատարաշտաբային վարժանքները ղեկավարում են երեք երկրների զինված ուժերի գլխավոր շտաբների ներկայացուցիչները: Վարժանքների նպատակը բազմազգ բրիգադային շտաբի ստեղծումն Է եւ խողովակաշարերի պաշտպանության ուղղությամբ ռազմավարական համագործակցության բարելավումը: Վարժանքների սցենարը Բաքու­-Թբիլիսի­-Ջեյհան խողովակաշարի անվտանգության ապահովումն Է: ETERNITY-2017 շտաբային վարժանքները կավարտվեն սեպտեմբերի 29­-ին:

Armenpress.am