Եվրամիություն.«ՀԳՀԾ-ն բազմակողմ դիվանագիտության հաջող օրինակ է»
Եվրամիության Արտաքին հարաբերությունների ծառայության գլխավոր քարտուղար Հելգա Շմիդտն Իրանի միջուկային համաձայնությունը ՝ ՀԳՀԾ-ն համարել է բազմակողմ դիվանագիտության հաջող օրինակ:
ԻՌՆԱ լրատվական գործակալության հաղորդման համաձայն՝ չորեքշաբթի օրը Ցյուրիխում Իրան-Եվրոպա ֆորումի(EIF) նիստում Հելգա Շմիդտն ասել է.«Համատեղ գործողությունների համապարփակ ծրագիրը խաղաղության կամ տարածաշրջանային կամ մարդու իրավունքների հետ կապված համաձայնագիր չէ, և չպետք է այդ հարցերը խառնել ՀԳՀԾ-ի նպատակներին»:
Եվրամիության արտաքին քաղաքականության հարցերով գերագույն հանձնակատար Ֆեդերիկա Մոգերինին ևս բազմիցս ընդգծել է, որ ՀԳՀԾ-ն պատկանում է միջազգային հանրությանը և այնպիսի գործարք չէ,որը հնարավոր լինի փոխել:
Իրան-Եվրոպա ֆորումն ստեղծվել է չորս տարի առաջ` Իրանի և Եվրոպայի միջև առևտրային և դիվանագիտական կապերի ամրապնդման նպատակով: Ֆորումն աշխատում է երկու կողմերի միջև տեղեկատվության փոխանակման ոլորտում և արդյունաբերական ու առևտրական հարաբերությունների հաստատման ուղղությամբ:
