Նյու Յորքում հոգեբանները զգուշացրել են Թրամփի հոգեկան վիճակի վերաբերյալ

Նյու Յորքում մի խումբ հոգեբաններ բողոքի ցույց անցկացնելով, պահանջել են պաշտոնանկ անել այդ երկրի նախագահին:

New York Post -ի հաղորդմամբ՝ ցույցը կատարվել է Duty to Warn PAC խմբի նախաձեռնությամբ: Մասնակիցները շեշտել են, որ Դոնալդ Թրամփը տառապում է «վտանգավոր նարսիցիզմով» և պետք է պաշտոնանկ արվի:

Ցույցի մասնակից Կորնելի համալսարանի հոգեբան ՝ Հարի Սիգալն ասել է.«Թրամփը չի հանդուրժում ոչ մի քննադատություն: Դա նկատելի է և վկայում է իր թուլության ու անարժեքության հետևանքով նրա ունեցած վախի մասին»:

New York Post -ին տված հարցազրույցում, կլինիկական հոգեբան ՝ Միշել Գոլանդն ասել է .«Թրամփը տառապում է նարսիցիզմով»:

Duty to Warn PAC խմբում ընդգրկվոած են ավելի քան հարյուր հոգեբաններ , որոնք համոզված են, որ Թրամփի հոգեկան վիճակը կարող է միջուկային պատերազմի հանգեցնել: