Հյուսիսային Կորեան երկու բալիստիկ հրթիռներ է արձակել
Կորեական թերակղզում իրավիճակը շարունակում է լարված մնալ. դրան նպաստում են Սեուլի ու Վաշինգտոնի համատեղ զորավարժություններն ու Փհենյանի միջուկային և հրթիռային փորձարկումները:
Ինչպես հայտնում է The Guardian-ը, երեկ Հյուսիսային Կորեան դեպի ծով է արձակել գործողության կարճ շառավիղ ունեցող 2 բալիստիկ հրթիռ, որոնք 500 կմ տարածության հաղթահարելուց հետո ընկել են ջուրը:
Բրիտանական պարբերականը եզրակացնում է, որ 2 հրթիռի արձակմամբ Փհենյանը ցանկացել է իր զայրույթն ի ցույց դնել` կապված վերջին շրջանում ԱՄՆ-ի ու Հարավային Կորեայի խոշորագույն զորավարժությունների անցկացման հետ:
Հիշեցնենք, որ երեկ երկրի ղեկավար Կիմ Չեն Ընը հայտարարել էր, որ հյուսիսկորեացի մասնագետներին հաջողվել է փոքրացնել միջուկային մարտագլխիկների չափն ու դրանք համապատասխանեցնել բալիստիկ հրթիռներին:
