Ռուսաստանը Թուրքիայի համար այլընտրանք չէ. Չավուշօղլու
Ռուսաստանն Անակարայի համար ՆԱՏՕ-ի այլընտրանք չէ: Հայտարարել է Թուրքիայի արտաքին գործերի նախարար Մևլութ Չավուշօղլուն Հռոմում «Միջեկրածովյան անվտանգության մարտահրավերներն ու Թուրքիայի տեսլականը» թեմայով սեմինարին ելույթ ունենալիս, հաղորդում է թուրքական «Անադոլու» լրատվական գործակալությունը:
«Թուրքիան բազմավեկտոր արտաքին քաղաքականություն է վարում: Ռուսական ինքնաթռի միջադեպից հետո թուրք-ռուսական հարաբերությունները ութ ամիս անց կարգավորվել են: Այժմ քայլեր ենք ձեռնարկում Ռուսաստանի և Թուրքիայի քաղաքացիների համար առանց վիզայի ռեժիմի վերականգնման ուղղությամբ: Ռուսաստանը մեզ համար Դաշինքին կամ Եվրոպային այլընտրանք չէ»,- ասել է Չավուշօղլուն: Վերջինս որպես օրինակ բերել է Ուկրաինային, որը «բարձր գին է վճարել Ռուսաստանի և Եվրոպայի միջև ընտրություն կատարելու համար»: «Անկարան պարտավոր չէ ընտրություն կատարել: Թուրքիան սերտ կապեր է հաստատում ինչպես Արևելքի, այնպես էլ Արևմուտքի հետ»,- հավելել է Չավուշօղլուն: Թուրքիայի արտաքին գործերի նախարարը ելույթի ընթացքում անդրադարձել է նաև սիրիական ճգնաժամին՝ ընդգծելով, որ աշխատանքներ են տարվում Աստանայի գործընթացը Ժնևյան գործընթացին ինտեգրելու համար:
Ankakh.com
