ԱՄՆ-ն պետք է վերանայի Ղոդսը (Երուսաղեմ) ճանաչելու որոշումը. Իլհամ Ալիեւ
Դեկտեմբեր 13, 2017 16:06 Asia/Tehran
Ադրբեջանի նախագահ Իլհամ Ալիեւը կարծում է, որ ԱՄՆ-ն պետք է վերանայի Ղոդսը (Երուսաղեմ) որպես Իսրայելի մայրաքաղաք ճանաչելու մասին որոշումը
Այս մասին, ինչպես հաղորդում են ադրբեջանական ԶԼՄ-ները, Իլհամ Ալիեւը հայտարարել է Ստամբուլում կայացած Իսլամական համագործակցության կազմակերպության արտակարգ գագաթնաժողովի ժամանակ:
Նրա խոսքով՝ ԱՄՆ նախագահ Դոնալդ Թրամփի որոշումը «հակասում է միջազգային իրավունքին եւ ՄԱԿ-ի Անվտանգության խորհրդի բանաձեւերին» եւ «մեծ անհանգստություն է առաջացնում մեզ մոտ»:
Ալիեւը գտնում է, որ որոշումը կարող է բացասաբար անդրադառնալ պաղեստինա-իսրայելական հակամարտության արդար եւ համապարփակ կարգավորման վրա, հանգեցնել վտանգավոր հետեւանքների Մերձավոր Արեւելքում: «Միացյալ Նահանգները պետք է վերանայեն այդ որոշումը»,- ասել է նա:
News.am
Պիտակ
