Նիկի ​Հեյլին կոչ է արել Իրանի վրա ավելի մեծ ճնշում գործադրել

ՄԱԿ-ում ԱՄՆ մշտական ներկայացուցիչ Նիկի Հեյլին Անվտանգության խորհրդի նիստի ժամանակ կոչ է արել Իրանի վրա ճնշումն ուժեղացնող բանաձև ընդունել: Այդ մասին հաղորդում է Al Arabiya հեռուստաընկերությունը: Գրում է Russian.rt.com-ը:

Դիվանագետի խոսքերով՝ ավելի վաղ Ռիյադի ուղղությամբ եմենցի ապստամբների կողմից արձակված հրթիռը «կրում է նախորդ հարձակումների բոլոր առանձնահատկությունները: Ամերիկան կշարունակի ՄԱԿ-ին և Անվտանգության խորհրդին տեղեկություն տրամադրել Իրանի ագրեսիվ գործունեության վերաբերյալ», - ասել է Հեյլին: Ավելի վաղ Սաուդյան Արաբիայի ղեկավարած կոալիցիան հայտարարել էր եմենցի հուսի ապստամբների կողմից արձակած բալիստիկ հրթիռի մասին:

 Ankakh.com