ՄԱԿ-ն ընդունեց Իրանի առաջարկած «Աշխարհն առանց բռնության ու ծայրահեղականության» բանաձևը
Իրանի կողմից առաջարկված «Աշխարհն առանց բռնության ու ծայրահեղականության» բանաձևը չորեքշաբթի օրը երրորդ անգամ միաձայնությամբ ընդունվեց ՄԱԿ-ի ԳԱ-ի կողմից:
ԻՌՆԱ-ի հաղորդման համաձայն, ՄԱԿ-ում ԻԻՀ ներկայացուցիչը, բանաձևի վավերացման նիստում ունեցած ելույթում նշեց, որ բռնությունն ու ծայրահեղականությունը համաշխարհային մարտահրավերներ են, որոնց դեմ անհրաժեշտ է պայքարել:
Ղոլամալի Խոշռուն անդրադառնալով անցած տարիների ընթացքում ծայրահեղականության տարածմանն, այդ թվում Սիրիայում, Իրաքում ու աշխարհի տարբեր կետերում ահաբեկչական խմբերի ոճրագործություններին, ԳԱ-ին կոչ է արեց պահպանել այս հարցի հանդեպ լուրջ վերաբերմունքը:
«Նրանք ովքեր աստվածային կրոնների հետևորդների հասցեին ատելության հողի վրա հայտարարություններ են կատարում ու քննադատում կրոններին, իրականում ահաբեկիչների ձեռքի խաղալիքն են և նրանց օգնում են իրենց ծայրահեղական ու կործանարար գաղափարախոսության տարածման գործում»,-հայտարարել է Խոշռուն: Նա հավելել է, որ չի կարելի բռնությունն ու ծայրահեղականությունը որոշակի կրոնի կամ ազգության հետ կապել:
«Աշխարհն առանց բռնության ու ծայրահեղականության» բանաձևը ներկայացվեց 2013 թվականի դեկտեմբերին՝ հիմք ընդունելով ՄԱԿ-ի ԳԱ-ում առաջին ելույթի ժամանակ ԻԻՀ նախագահ Հասան Ռոհանիի առաջարկը:
Առաջարկն ընդունվեց աշխարհի 190 երկրների կողմ ձայներով և առանց որևէ հակառակության:
