Հանրահավաք Թուրքիայում՝ ի պաշտպանություն «Ջոմհուրիեթ» օրաթերթի ձերբակալված աշխատակիցների
Երկուշաբթի օրը, հարյուրավոր թուրք քաղաքացիներ, ի նշան բողոք այդ երկրի «Ջոմհուրիեթ» օրաթերթի տասնյակ լրագրողների, թղթակիցների ու աշխատակիցների դատական պատասխանատվության ենթարկվելու դեմ, մասնակցեցին Ստամբուլի դատարանի դիմաց կազմակերպված հանրահավաքին:
Իրանի ռադիո-հեռուստատեսության լրատվական գործակալության հաղորդման համաձայն, ցուցարարները պաստառներ էին կրում, որոնց վրա գրված էր «Արդարություն բոլոր լրագրողների համար», «Դուք մենակ չեք ու մենք մենակ չենք» և «Ազատություն բոլոր լրագրողներին» կարգախոսները:
Հարկ է նշել, որ Թուրքիայի «Ջոմհուրիեթ» օրաթերթի կայքէջի տնօրեն Օղուզե Գուվենը ահաբեկչական խմբերի օգտին քարոզչություն կատարելու մեղադրանքով նոյեմբերի 22-ին 37 ամսվա ազատազրկման դատապարտվեց:
Վերջին ամիսներին «Ջոմհուրիեթ» օրաթերթի մի խումբ աշխատակիցներ ձերբակալվել են ահաբեկչության, քրդաբնակ տարածքներում անհանդարտությունների և 2016 թվականի հուլիսի 15-ի ձախողած հեղաշրջման հետ կապված մեղադրանքներով:
2016 թվականի հուլիսի 15-ից ի վեր Թուրքիայում ձերբակալվել են ավելի քան 150 լրագրողներ:
Նման թվով թուրք լրագրողների կալանավորումը Թուրքիային վերածել է աշխարհում լրագրողների ամենամեծ բանտին:
