Երկիրը կվերածվի դժոխքի. Ստիվեն Հոքինգ

Անգլիացի ֆիզիկոս Ստիվեն Հոքինգը կարծում է, որ Երկիրը կկրկնի Արեգակնային համակարգի այլ մոլորակի՝ Վեներայի ճակատագիրը։

Գիտնականի կարծիքով՝ կլիմայի փոփոխությունը կտանի մարդկությանը կործանման, իսկ Երկիրը շոգի պատճառով կվերածվի իրական դժոխքի։

Եթե մարդկությունը չկրճատի ջերմոցային գազերի արտանետումները, ապա վաղ թե ուշ Երկրի վրա միջին ջերմաստիճանը կհասնի 460 աստիճան Ցելսիուսի։

Գիտնականները կարծում են, որ 4 մլրդ տարի առաջ Վեներան եղել է Երկրի գրեթե ճիշտ պատճենը՝ մթնոլորտով, ծովերով և բուսականությամբ, սակայն մի շարք պատճառներով մոլորակը պարզապես «այրվել է»։

Հաշվի առնելով, որ Երկրի միջին տարիքը գիտնականների կողմից գնահատվում է 4.5 մլրդ տարեկան, Երկիրն ամբողջովին անկենդան անապատի կվերածվի արդեն 500 մլն տարուց։

1in.am