ԵՄ-ն ու Ադրբեջանը համագործակցում են տրանսպորտի բնագավառում
ԵՄ տրանսպորտի հանձնաժողովի նախագահն Ադրբեջանի նախագահի հետ հանդիպման ժամանակ ընդգծել է միջազգային տրանսպորտի ու տարանցման բնագավառում Բաքվի հետ այդ միության համագործակցության կարևորությունը:
Ադրբեջանի նախագահի պաշտոնական կայքի հաղորդման համաձայն, Հենրի Հոլոլին, որ ԵՄ տրանսպորտի հանձնաժողովի անդամների ընկերակցությամբ Բաքու է ուղևորվել, երկուշաբթի օրը Իլհամ Ալիևի հետ հանդիպման ժամանակ ընդգծել է որպես միջազգային տրանսպորտի գլխավոր դերակատարներից Ադրբեջանի կարևորությունը: Նա ասել է. «ԵՄ-ն ցանկանում է այս բաժնում ընդլայնել Բաքվի հետ համագործակցությունը»:
ԵՄ տրանսպորտի հանձնաժողովի նախագահն Ադրբեջանում տրանսպորտային ենթակառուցվածքների ստեղծումն, այդ թվում նոր նավահանգիստների կառուցումն ու տրանսպորտային ցանցերի համալրումն այդ երկրի համար մեծ ձեռքբերում է համարել:
Հանդիպման ժամանակ կողմերն ընդգծեցին տրանսպորտի ոլորտում Ադրբեջանի ու ԵՄ-ի միջև կանոնավոր շփումների և այս բաժնում համագործակցության խորացման ուղղությամբ մտքերի փոխանակման անհրաժեշտությունը:
