Մայր Թերեզան կդասվի կաթոլիկ եկեղեցու սրբերի շարքին
Մարտ 15, 2016 12:21 Asia/Tehran
Մայր Թերեզա Կալկաթացին կաթոլիկ սուրբ կդառնա, հայտարարել է Հռոմի պապ Ֆրանցիսկոսը: Միջոցառումը տեղի կունենա այս տարվա սեպտեմբերի 4-ին, հայտնում է BBC-ի ռուսական ծառայությունը:
Հռոմի պապն այս հայտարարությունն արել է կարդինալների հետ հանդիպմանը. հայտարարվել է սրբերի շարքը մի քանի մարդու դասակարգելու մասին:
Մայր Թերեզան 1979 թ. Խաղաղության Նոբելյան մրցանակի է արժանացել կարիքավորներին օգնելու համար: 2003 թ. նա դասվել է երանելիների շարքին:
Անցած տարվա դեկտեմբերին Հռոմի պապը հաստատել է այն որոշումը, որը ճանաչում է, որ մայր Թերեզան հրաշք է իրագործել՝ մարդուն բուժելով բազմաթիվ ուռուցքներից:
Մայր Թերեզան կյանքի մեծ մասն ապրել է Հնդկաստանում, որտեղ օգնել է կարիքավորներին: Նա մահացել է 1997 թ. Կալկաթայում:
Պիտակ
