ՄԱԿ-ի Մարդու իրավունքների խորհուրդը հանձնվեց Իսրայելի ու ԱՄՆ-ի ճնշումներին
ՄԱԿ-ի Մարդու իրավունքների խորհուրդն ԱՄՆ-ի ճնշումների ներքո հրաժարվեց Պաղեստինի զավթված տարածքներում գտնվող սիոնիստական քաղաքավաններում գործունեություն ծավալած ընկերությունների անունները հրապարակելուց:
«Ալ-Հադաս» հեռուստակայանի հաղորդման համաձայն, նրանից հետո, երբ ԱՄՆ-ն սպառնաց, որ պատրաստվում է հեռանալ ՄԱԿ-ի Մարդու իրավունքների խորհրդից և դադարեցնել դրա ֆինանսավորումը, այդ խորհուրդը հրաժարվեց 1967 թվականին բռնազավթված տարածքներում գտնվող քաղաքավաններում ակտիվ միջազգային ու իսրայելյան ընկերությունների անունները հրապարակելուց:
Քաղաքավաններում ակտիվ միջազգային ու իսրայելական ընկերությունների սև ցուցակը հրապարակելուց Մարդու իրավունքների խորհրդի հրաժարումը վկայում է այն մասին, որ այդ խորհուրդը կրկին տեղի տվեց ԱՄՆ-ի սպառնալիքների ու Իսրայելի ճնշումների դիմաց:
Իսրայելի դեմ բոյկոտի միջազգային շարժման անդամ Մուսթաֆա Ալ-Բարղուսին ասել է. «Եթե հիշյալ ընկերությունների անունները չհրապարակվեն, շարժումը կփորձի գտնել ու հրապարակել դրանք»:
ՄԱԿ-ի Մարդու իրավունքների խորհրդի կողմից վերոնշյալ ընկերությունների անունների չհրապարակվելը նրանց թույլատրում է զերծ մնալ միջազգային հետախուզումից և տուգանքներից:
ՄԱԿ-ի Մարդու իրավունքների խորհուրդը 2017 թվականի սեպտեմբերին նամակ հղելով աշխարհի ավելի քան 200 ընկերությունների, ազդարարեց, որ նրանց անունը կարող է գրանցվել պաղեստինյան տարածքներում Իսրայելի անօրինական քաղաքավանների կառուցմանը մասնակից ընկերությունների մասին տվյալների կայքում:
