ՆԱՏՕ-ն նոր հրամանատարական կենտրոն կկառուցի Գերմանիայում. DPA
ՆԱՏՕ-ն մարտունակության բարձրացման նպատակով պատրաստվում Է պլանավորման, լոգիստիկայի եւ հրամանատարության նոր կենտրոն կառուցել Գերմանիայի տարածքում:
Ինչպես տեղեկացնում Է «Արմենպրես»-ը, փետրվարի 8-ին այս մասին հայտնել Է DPA գործակալությունը՝ վկայակոչելով սեփական աղբյուրներ: Ըստ նրանց տեղեկատվության՝ համապատասխան նախաձեռնությունը, որին արդեն հավանություն են տվել դաշինքի մյուս մասնակիցները, առաջադրել Է Գերմանիայի պաշտպանության նախարար Ուրսուլա ֆոն դեր Լյայենը: Նոր կենտրոնի կառուցման վայր Է դիտվում Քյոլնի եւ Բոննի տարածաշրջանը (Հյուսիսային Հռենոս – Վեստֆալիայի ֆեդերալ երկրամաս): Այնտեղ արդեն այժմ կան համապատասխան կարողություններ, մասնավորապես, Բունդեսվերի Ապահովման միացյալ ուժերի կենտրոնակայանը: DPA-ն նշում Է, որ կենտրոնը, որտեղ ծառայություն կանցնի «մի քանի հարյուր մարդ», չի ինտեգրացվի ՆԱՏՕ-ի հրամանատարական կառույցին եւ կարող Է օգտագործվել նաեւ ներգերմանական զորավարժանքների համար, հաղորդել Է ՏԱՍՍ-ը:
Armenpress.am
