Եվրամիության գագաթնաժողովը փետրվարի 23-ին կքննարկի Թուրքիայի գործողությունները Կիպրոսի ջրերում
ԵՄ ներկայացուցիչը միության առաջնորդների հանդիպման նախաշեմին հաղորդել է, որ ԵՄ 27 երկրների և կառավարությունների ղեկավարները փետրվարի 23-ի ոչ պաշտոնական գագաթնաժողովի ժամանակ քննարկելու են Թուրքիայի գործողությունները Կիպրոսի տարածքային ջրերում:
«Կիպրոսի նախագահ Անաստասիադիսը խնդրել է բարձրացնել Կիպրոսի տարածքային ջրերում Թուրքիայի գործողությունների հարցը»,- ասել է ԵՄ ներկայացուցիչը:
Ավելի վաղ իտալական Eni ընկերությունը հաղորդել էր, որ իր՝ «Saipem 12000» հորատման լողացող կառամատույցը արգելափակվել է թուրքական ռազմական նավերի կողմից: Saipem 1200-ով պետք է Կիպրոսի տնտեսական գոտու ջրերում իրականացվեն հետախուզական հորատման աշխատանքներ:
Փետրվարի 5-ին Իտալիա այցից հետո Թուրքիայի նախագահ Ռեջեփ Թայիպ Էրդողանը հայտարարել էր թուրք լրագրողներին, որ Իտալիայի նախագահ Սերջո Մատարելայի և վարչապետ Պաոլո Ջենտիլոնիի հետ հանդիպման ժամանակ բարձրացրել է Eni-ի հարցը և զգուշացրել է, որ Թուրքիան վտանգ է տեսնում այդ շրջանում գազի արտահանման դեպքում՝ Հյուսիսային Կիպրոսի ինքնահռչակ Թուրքական Հանրապետության համար և գտնում է, որ իտալական ընկերության ռազմավարական ընտրությունը «սխալ է»:
1in.am
