Պատանդներն ու պատանդառուն զոհվել են վետերանների տանը՝ Քալիֆորնիայում
Քալիֆորինայում՝ վետերանների տանը երեք պատանդները զոհվել են, նրանց գերեվարած չարագործը եւս մահացած է։
Այս մասին հաղորդում է ABC հեռուստաալիքը՝ վկայակոչելով իրավիճակին ծանոթ իր աղբյուրը։
«Հանցագործը եւս զոհվել է, նրա մահվան հանգամանքները ճշտվում են, Հետախուզությունների դաշնային բյուրոյի աշխատակիցները շրջափակել են տունը»,–ասված է հաղորդագրության մեջ։
Զոհված երեք պատանդները կանայք էին։
Հիշեցնենք, որ մարտի 10-ին Քալիֆորնիայի Յոնտվիլ քաղաքում, որտեղ ապրում է մոտավորապես հազար տարեց վետերան եւ պատերազմի մասնակից հաշմանդամներ, զինված տղամարդը պատանդ է վերցրել երեք մարդու։
Շերիֆի տեղական վարչությունը Twitter-ում հրապարակել է զգուշացում, որից հետեւում է, որ համալիրին չպետք է մոտենալ: Թե ինչ պատճառներով՝ չի բացատրվում:
Ավելի վաղ իշխանություններին հայտնել էին, որ հաստատությունից մի փոքր հեռու զրահաբաճկոնով եւ հրացանով մարդ են նկատել, լսվել են կրակոցներ:
Napa Valley Register պարբերականի տվյալներով տղամարդը 36 տարեկան էր, վետերանների տանը էմոցիոնալ տրավմայի բուժում էր անցնում։
News.am
