Եվրոխորհրդարանը Հյուսիսային Կորեայի հետ գաղտնի բանակցություններ է վարել
Եվրոխորհրդարանում Բրիտանիայի պահպանողական ներկայացուցիչն ասել է. «Անցած երեք տարիների ընթացքում Հյուսիսային Կորեայի պաշտոնատարների հետ Եվրոխորհրդարանի ներկայացուցիչների պատվիրակության գաղտնի բանակցությունների արդյունքում է այդ երկիրը համոզվել հրաժարվել իր միջուկային ծրագրից»:
Իրանի ռադիո-հեռուստատեսության լրատվական գործակալության հաղորդման համաձայն, Եվրոխորհրդարանի բրիտանացի պահպանողական պատգամավոր Նիրջ Դեվան չորեքշաբթի օրը հայտարարել է, որ Հյուսիսային Կորեայի բարձրաստիճան պաշտոնատարների հետ 14 շրջան գաղտնի հանդիպումներ ու բանակցություններ են անցկացվել: «Հյուսիսային Կորեայի հետ լարվածություններին վերջ տալու համար, Եվրոխորհրդարանի ներկայացուցչական պատվիրակությունն ընդգծել է առանց նախապայմանների բանակցության անհրաժեշտությունը», նշել է նա:
Հարավային Կորեայի ազգային անվտանգության խորհրդական Չունգ Իյուի-Յունգը մարտի 8-ին հայտարարեց, որ Հյուսիսային Կորեայի դիմումի համաձայն, այդ երկրի առաջնորդ Կիմ Չեն Ինի և ԱՄՆ նախագահ Դոնալդ Թրամփի միջև հանդիպումը կկայանա մինչև առաջիկա մայիս ամիսը:
