Մակրոն. «ՀԳՀԾ-ից Թրամփի դուրս գալը կհանգեցնի տարածաշրջանի ապակայունացմանը»
Ֆրանսիայի նախագահ Էմանուել Մակրոնը զգուշացրել է Համատեղ գործողությունների համապարփակ ծրագրից ԱՄՆ-ի դուրս գալու կապակցությամբ: «Այդ քայլը կհանգեցնի միջինարևելյան տարածաշրջանի ապակայունացմանը»․ընդգծել է նա: Այս մասին հաղորդել է ՖԱՐՍ լրատվական գործակալությունը:
Այսօր Ֆրանսիայի նախագահ Էմանուել Մակրոնը Journal du Dimancheр թերթին տված հարցազրույցում ընդգծել է. «Միջին Արևելքի ապակայունացումը կհզորացնի ահաբեկչական խմբավորումներին այս տարածաշրջանում»:
«Ես ԱՄՆ նախագահ Դոնալդ Թրամփին ասել եմ, որ նրա արտաքին քաղաքականությունը մշտապես գտնվել է ներքին նկատառումների ազդեցության տակ և Միջին Արևելքի ու միջուկային համաձայնագրից դուրս գալու հարցերում նա հայտնվել է երկակի դրության մեջ»․ ասել է Մակրոնը:
Դոնալդ Թրամփը իշխանության գալուց ի վեր Իրանի հետ միջուկային համաձայնությունը համարել է սարսափելի համաձայնություն և հայտարարել է, որ դուրս է գալու դրանից:
