Ամանո.«Իրանը հավատարիմ է եղել իր միջուկային հանձնառություններին»
Ատոմային Էներգիայի միջազգային գործակալության (ՄԱԳԱՏԷ) գլխավոր տնօրենը վերահաստատել է ,որ Իրանը Համատեղ գործողությունների համապարփակ ծրագրի շրջանակում կատարել է իր միջուկային պարտավորությունները: Այս մասին տեղեկացնում է ԻՌՆԱ լրատվական գործակալությունը:
Չորեքշաբթի օրը հրապարակած հաղորդագրության մեջ առանց անդրադառնալու ՀԳՀԾ-ից դուրս գալու ԱՄՆ նախագահ Դոնալդ Թրամփի որոշմանը , Յուկիո Ամանոն ընդգծել է.«ՄԱԳԱՏԷ-ն մոտիկից հետևում է ՀԳՀԾ-ի հետ կապված իրադարձություններին: Գործակալությունը 2015 թվականին Կառավարիչների խորհրդի թույլտվությամբ և ՄԱԿ-ի Անվտանգության խորհրդի բանաձևի համաձայն՝ շարունակում Է ստուգել և հսկել Իրանի կողմից իր պարտավորությունների կատարումը միջուկային Էներգետիկայի բնագավառում ՀԳՀԾ-ի շրջանակներում»:
Ամանոն հավելել է.«Իրանը ՀԳՀԾ-ի շրջանակում ենթարկվում է ամենամանրազնին ստուգումների: Եվ գործակալությունը հաստատում է, որ առ այսօր Իրանը կատարել է իր միջուկային պարտավորությունները»:
Ատոմային Էներգիայի միջազգային գործակալությունը ավելի վաղ բազմիցս հաստատել է Իրանի հավատարմությունը միջուկային համաձայնության նկատմամբ:
