Եվրոպական 28 երկրներ համաձայնության են եկել ՀԳՀԾ-ն պահպանելու հարցում
ԵՄ անդամ 28 երկրների ղեկավարները համաձայնության են եկել՝ Իրանի միջուկային համաձայնությունը պահպանելու հարցում:
ԻԻՀ ռադիո-հեռուստատեսության լրատվական գործակալության հաղորդման համաձայն, ԵՄ անդամ 28 երկրների ղեկավարները չորեքշաբթի օրը Բուլղարիայի մայրաքաղաք Սոֆիայում գումարված գագաթնաժողովում 2015 թվականին Վիեննայում ստորագրված միջուկային համաձայնությունը փրկելու շուրջ պայմանավորվածություն են ձեռք բերել:
Եվրոպական մի աղբյուր հայտարարել է. «ԵՄ անդամ 28 երկրներ, Իրանի միջուկային համաձայնությունը պահպանելու հարցում միացյալ կողմնորոշում որդեգրելու պայմանավորվածություն են ձեռք բերել»:
ԵԽ նախագահ Դոնալդ Թուսկը նշել է, որ Դոնալդ Թրամփի քայլն անսպասելի էր ու այն որակել է քմահաճություն: «ՀԳՀԾ-ից ԱՄՆ-ի հրաժարվելուց հետո եվրոպական երկրները պետք է բողոքեին այդ քայլի դեմ». ասել է նա:
Դոնալդ Թուսկը հույս է հայտնել, որ քանի դեռ Իրանը հավատարիմ է մնացել ՀԳՀԾ-ին, եվրոպական երկրների ղեկավարները մեկ անգամ ևս կհաստատեն այդ համաձայնության հանդեպ իրենց պարտավորությունները:
«Եվրոպացիները պիտի երախտապարտ լինեն Թրամփին, քանի որ ԱՄՆ նախագահի շնորհիիվ Եվրոպան հրաժարվեց պատրանքներից»,-հավելել է ԵԽ նախագահը:
