4500 զույգ կոշիկ՝ Եվրոպայի խորհրդի կենտրոնակայանի շենքի առջև
Բրյուսելում Մարդու իրավունքների ակտիվիստներն ի նշան պաղեստինցի նահատակների հիշատակի, 4500 զույգ կոշիկ են տեղադրել Եվրամիության խորհրդի կենտրոնակայանի շենքի առջև:
Ինչպես հաղորդում է «Ֆրանս Պրես» լրատվական գործակալությունը՝ Բելգիայում Մարդու իրավունքների ակտիվիստներն ի նշան պաղեստինցի նահակատների հիշատակի, խորհրդանշական քայլ են կատարել: Նրանք 4500 զույգ կոշիկ են տեղադրել Բրյուսելում գտնվող Եվրամիության խորհրդի կենտրոնակայանի շենքի առջև:
Այդ քաղաքացիական քայլի նախաձեռնողներից Քրիստոֆ Սքաթն ասել է.«Յուրաքանչյուր զույգ կոշիկը խորհրդանշում է մեկ պաղեստինցու կյանքը, որը զոհվել է անցած տաս տարիների ընթացքում: Այդ կոշիկներից ավելի քան հազար զույգը պատկանում է երեխաներին»:
Քրիստոֆ Սքաթի խոսքով՝ պետք է բոյկոտել Իսրայելի ռեժիմին:
Գազայի հատվածը 2006 թվականից ի վեր Իսրայելի ռեժիմի կողմից ցամաքային, օդային ու ծովային շրջափակման է ենթարկվել, իսկ Գազայի բնակիչները մարտի 30-ին՝ «Հողի» օրվանից իրականացրել են «Վերադարձի իրավունք» մեծ քայլերթը, որի ընթացքում մինչ այսօր զոհվել են 120 և վիրավորվել հազարավոր պաղեստինցիներ: