Մերկելն ու Դավութօղլուն հեռախոսազրույց են ունեցել

Թուրքիայի վարչապետ Ահմեդ Դավութօղլուն հեռախոսազրույց է ունեցել Գերմանիայի կանցլեր Անգելա Մերկելի հետ: Ինչպես հաղորդում է «Արմենպրես»,-ը, այս մասին տեղեկացնում է թուրքական «Անադոլու» գործակալությունը:

Գերմանական կողմի նախաձեռնությամբ իրականացված հեռախոսազրույցի ընթացքում կողմերը քննադատել են Թուրքիայում և Բելգիայում իրականացված վերջին ահաբեկչական հարձակումները` վերահաստատելով ահաբեկչության դեմ համատեղ պայքարելու պատրաստակամությունը: Կողմերը քննարկել են նաև փախստականների խնդիրը` համոզմունք հայտնելով, որ այն պետք է կարգավորվի բոլոր կողմերի համար ձեռնտու պայմաններով: