Մոգերինին բարձր է գնահատել ՀԳՀԾ-ն հովանավորելու հարցում Հայաստանի դիրքորոշումը
ԵՄ արտաքին քաղաքականության հարցերով գերագույն հանձնակատար Ֆեդերիկա Մոգերինին բարձր է գնահատել Հայաստանի կառավարության դիրքորոշումը կապված Համատեղ գործողությունների համապարփակ ծրագրի պահպանմանն ուղղված Եվրամիության ջանքերին աջակցելու հետ: Այս մասին հաղորդում է ՖԱՐՍ լրատվական գործակալությունը:
Ֆեդերիկա Մոգերինին հինգշաբթի օրը Բրյուսելում ՀՀ ԱԳ նախարար Զոհրաբ Մնացականյանի հետ համատեղ մամլո ասուլիսի ընթացքում ասել է. «Այս հանդիպման ընթացքում խորհրդակցել ենք Համատեղ գործողությունների համապարփակ ծրագրի (միջուկային համաձայնության) և Սիրիայի վերջին զարգացումների շուրջ»:
Մոգերինին նաև ասել է.«Բրյուսելն աջակցում է Անկարա-Երևան հարաբերությունների նորմալացմանն ուղղված ջանքերին և երկու կողմերին հորդորում է առանց նախապայմանի շարունակել համագործակցությունը»:
Այդ հանդիպման ժամանակ Մնացականյանը ևս տեղեկացրել է, որ որոշ միջազգային հարցերի վերաբերյալ խորհրդակցություններ է անցկացրել Մոգերինիի հետ:
Նրա խոսքով՝ Սիրիայի իրադարձությունները և ՀԳՀԾ-ն եղել են երկու կողմի բանակցության կարևորագույն թեմաները:
ՀՀ ԱԳ նախարարը նաև ընդգծել է Ղարաբաղյան հակամարտության խաղաղ կարգավորման նկատմամբ իր երկրի հանձնառությունը և բարձր է գնահատել Հայաստանին ցուցաբերվող ԵՄ-ի աջակցությունները:
Այսօր Բրյուսելում կայացել է ԵՄ-Հայաստան համագործակցության խորհրդի առաջին նիստը:
