Մաքսատուրքի հարցով Եվրոպան պատասխան քայլ ձեռնարկեց ԱՄՆ-ի դեմ
ԵՄ-ն հակազդելով ԱՄՆ-ի կառավարության կողմից պողպատի ու ալյումինի ներկրման համար սահմանված համապատասխանաբար 25 և 10 տոկոսանոց մաքսատուրքին ուրբաթ օրվանից սկսած մաքսատուրք սահմանեց ԱՄՆ-ում արտադրված տասնյակ արտադրանքների, այդ թվում ծխախոտի, խմիչքների, հագուստեղենի ու մոտոցիկլետի համար:
Համաձայն «Ֆրանս Պրես»-ի հաղորդման, ամերիկյան այն արտադրանքների ցուցակը, որոնցից ԵՄ-ն որոշել է մաքսատուրք գանձել մայիսի 18-ին ներկայացվեց Համաշխարհային առևտրի կազմակերպությանը և միայն ներառում է այն արտադրանքները, որոնք արտադրվում են ԱՄՆ-ի տարածքում և բացառվում են այն արտադրանքները, որոնք վաճառքի են հանվում ամերիկյան ապրանքանիշերի անվան ներքո և հնարավոր է, որ արտադրված լինել աշխարհի այլ կետերում:
ԱՄՆ նախագահ Դոնալդ Թրամփը մայիսի 8-ին հայտարարեց պողպատից 25, իսկ ալյումինից 10 տոկոս մաքսատուրք գանձելու իր որոշման մասին: Թրամփը նախ մայիսի 1-ից մեկ ամսով Եվրոպային ազատեց այդ մաքսատուրքերից, սակայն հունիսի 1-ից դա գործադրման հանձնեց նաև Եվրոպայից ներկրվող պողպատի ու ալյումինի պարագային:
Տնտեսական միջազգային կառույցներ և տարբեր երկրներ անգամներ ազդարարել են համաշխարհային տնտեսության վրա Թրամփի տնտեսական հովանավորչական քաղաքականությունների հետևանքների կապակցությամբ:
