Դոնալդ Տուսկը Թրամփին. «Հարգիր դաշնակիցներիդ. բարեկամներ շատ չունես»
ԵԽ նախագահն ԱՄՆ նախագահին կոչ է արել հարգել դաշնակիցներին և հրաժարվել ամենօրյա քննադատությունից:
«Ֆարս» լրատվական գործակալության հաղորդման համաձայն, ԵԽ նախագահ Դոնալդ Տուսկը երեքշաբթի օրը «Թուիթեր»-ում կատարած գրառման մեջ արձագանքել է Եվրոպային ուղղված ԱՄՆ նախագահ Դոնալդ Թրամփի քննադատություններին և հայտարարել, որ դա լավ դաշնակիցի հանդեպ ընդունված ճիշտ ուղի չէ:
«ԱՄՆ-ն պիտի իմանա, որ հակառակ իր ենթադրության, շատ դաշնակիցներ չունի»,-հավելել է Տուսկը:
Դոնալդ Թրամփը երեքշաբթի օրը «Թուիթեր»-ում կատարած գրառման մեջ անարդար համարեց իրենց բյուջետային պարտավորությունների հանդեպ ՆԱՏՕ-ի որոշ անդամների անտարբերությունը:
ԱՄՆ նախագահը բազմիցս ՆԱՏՕ-ի անդամներին քննադատել է այդ կազմակերպության հանդեպ ֆինանսական պարտավորությունները չհարգելու պատճառով:
ՆԱՏՕ-ի գագաթնաժողովը գումարվելու է այսօր՝ Բելգիայի մայրաքաղաք Բրյուսելում:
