Թրամփը հույս ունի Եվրոպայի հետ առևտրական գործարք կնքել
ԱՄՆ նախագահը ԵՄ-ի հետ առևտրական գործարքի հանգելու հարցում հուսադրված է:
«Ռոյտերզ»-ի հաղորդման համաձայն, ԱՄՆ նախագահ Դոնալդ Թրամփը չորեքշաբթի օրը լրագրողների հետ զրույցում ասել է, որ հույս ունի ԱՄՆ-ի ու Եվրոպայի միջև առևտրական փոխադարձ արդար գործարք կկնքվի:
ԱՄՆ նախագահը հստակեցրել է, որ իր դաշնակիցների հետ առնվազն փոխադարձ գործարքի է ձգտում:
ԱՄՆ նախագահն այս մասին հայտարարել է Սպիտակ տանը, Եվրոհանձնաժողովի նախագահ ժան Կլոդ Յունքերի դիմավորման արարողության ժամանակ:
Յունքերը լրագրողներին ասել է. «Եվրոպան ու ԱՄՆ-ն դաշնակիցներ են և պիտի միասին աշխատեն»:
ԵՄ առևտրի հարցերով կոմիսար Սեսիլիա Մալմասթրոմը չորեքշաբթի օրը հայտարարեց. «Եթե Վաշինգտոնը մաքսատուրքեր գանձի ԵՄ-ից ներկրվող ավտոներից, այդ միությունն էլ փոխադարձաբար մաքսատուրքեր կսահմանի ամերիկյան որոշ արտադրանքների համար»:
ԵՄ-ի առևտրական հարցերով կոմիսարն այդ արտադրանքների արժեքը 20 միլիարդ դոլար է հայտարարել:
