Իրանի նավթը լիարժեք բոյկոտելու Թրամփի վարչակազմի կանխատեսումներն իրականություն չեն դառնում
ԱՄՆ-ի վարչակազմում երկու տեղյակ պաշտոնատարներ հավատացած են, որ նավթային բոյկոտների սկսվելով, Իրանից նավթի գնումը միայն 50 տոկոսով է կրճատվելու:
Ամերիկյան «Բլումբերգ» լրատվական գործակալությունն ուրբաթ օրը հղում կատարելով ԱՄՆ-ի վարչակազմում երկու տեղյակ պաշտոնատարների գրել է. «Թրամփի կառավարությունը կանխատեսում է, որ առաջիկա նոյեմբերի 4-ին Իրանի նավթային բոյկոտները սկսվելուց հետո, Իրանից նավթի գնումը օրական կրճատվելու է միայն 700-ից մեկ միլիոն բարելով:
Սա ի տես այն բանի, որ Թրամփի վարչակազմն ավելի վաղ հայտնել էր նոյեմբերին Իրանից նավթի արտահանումը զրոյացնելու իր մտադրության մասին:
Համաձայն հիշյալ երկու տեղյակ աղբյուրների, Իրանի արտադրած նավթի 50 տոկոսը գնող Չինաստանն ու Հնդկաստանը և Իրանի նավթային արտահանումներում 20 տոկոսանոց մասնաբաժին ունեցող ԵՄ-ն Իրանի նավթային բոյկոտի իրականացման ճանապարհին գլխավոր արգելքներն են համարվում:
