Ժան-Իվ Լը Դրիան. ԱՄՆ-ն սպառնում է համաշխարհային դիվանագիտությանը
Ֆրանսիայի արտաքին գործերի նախարարը հայտարարել է, որ Միացյալ Նահանգներն իր միակողմանի քաղաքականությամբ սպառնում է համաշխարհային դիվանագիտությանը:
Associated Press- ի հաղորդմամբ, Ամերիկայի Հարվարդի համալսարանում ունեցած իր ելույթում, Ֆրանսիայի արտգործնախարար Ժան-Իվ Լը Դրիանն ընդգծել է, որ Վաշինգտոնը նախընտրում է միակողմանիությունը միջազգային համագործակցության ասպարեզում, և այս համատեքստում բարի կամքի ուժերի կոալիցիայի ջանքերը պետք է ուղղված լինեն գլոբալ դիվանագիտության վերականգնմանը:
Լը Դրիանը հավելել է, որ Եվրոպան պետք է քայլեր ձեռնարկի այն երկրների հետ համագործակցելու համար, ինչպիսիք են Հնդկաստանը, Ավստրալիան, Մեքսիկան և այլ հզոր ժողովրդավարություններ, որոնք ընդունել են միջազգային պատասխանատվությունն ու բազմակողմ հարաբերությունները:
Ֆրանսիայի արտգործնախարարը հայտարարել է, որ Միացյալ Նահանգները պարբերաբար խաթարել է ՄԱԿ-ում բազմակողմության հիմքերը, միջազգային համաձայնագրերը և առեւտրային համաձայնագրերը:
