Եվրախորհրդարանը պահանջել է դադարեցնել զենքի վաճառքը Սաուդյան կոալիցիային
Եվրախորհրդարանը հինգշաբթի երեկոյան հրապարակել է հայտարարություն, որում դատապարտել է Եմենի պատերազմի շարունակումը և խաղաղ բնակիչների հետ կապված օրենքների խախտումը, պահանջելով դադարեցնել զենքի ու զինտեխնիկայի վաճառքը Սաուդյան կոալիցիային:
Ինչպես հաղորդում է ԻՌՆԱ լրատվական գործակալությունը, Եվրախորհրդարանի հայտարարության մեջ ասված է.«Խաղաղության հաստատման միակ ելքը Եմենի միատարրության, տարածքային ամբողջականության և անկախության պահպանումը, քաղաքական լուծումն ու եմենական կողմերի միջև երկխոսությունն է»:
Եվրախորհրդարանը տարածաշրջանի ու աշխարհի երկրներին կոչ է արել համագործակցել եմենական հակամարտող կողմերի հետ՝ Եմենի պատերազմը թուլացնելու, և կառուցողական կերպով երկխոսության շրջանակներում լուծում գտնելու համար:
Եվրոպական այս կառույցը հայտարարության վերջում կրկին անգամ իր աջակցությունն է հայտնել հակամարտ կողմերի միջև քաղաքական գործընթացն սկսելու Եմենի հարցերով ՄԱԿ-ի ներկայացուցիչ Մարթին Գրիֆիցի ջանքերի նկատմամբ:
