Առողջապահական զբոսաշրջություն(13)
«Առողջապահական զբոսաշրջություն» հաղորդաշարի այսօրվա թողարկման ընթացքում կներկայացնենք Թեհրանում գենվող «Բահման» հիվանդանոցը:
Հարգելի հետևորդներ, ներկայացնում ենք «Առողջապահական զբոսաշրջություն» հաղորդաշարի հերթական ծրագիրը: Այսօր կներկայացնենք Իրանի մայրաքաղաք Թեհրանի մեկ այլ հեղինակավոր հիվանդանոց՝ Բահման հիվանդանոցը:
Ավելի քան 200 տարի, Թեհրանը համարվում է Իրանի մայրաքաղաքը: 1786-թվականին, Ղաջարական դինաստիայի հիմնադիր Աղա Մոհամմադ խան Ղաջարը Թեհրանը դարձրեց Իրանի մայրաքաղաք և այդ ժամանակվանից ի վեր այս քաղաքը եղել է Իրանի քաղաքական ու տնտեսական մայրաքաղաքը: Տարիների ընթացքում, այն դարձել է զարգացած, ժամանակակից, առաջատար և գեղեցիկ քաղաք և բացի իր պատմական վայրերից, ունի բազմաթիվ ժամանակակից տեսարժան վայրեր, որոնք գրավում են ինչպես ներքին, այնպես էլ օտարերկրյա զբոսաշրջիկների: Տեսարժան վայրերից է Բնության կամուրջը: Բնության կամուրջը եռահարկ կառույց է, որն ունի 300 մետր երկարություն և 40 մետր բարձրություն: Հետիոտնային կամուրջը գտնվում է Թեհրանի Աբաս Աբադի շրջանում՝ Մոդարես մայրուղու երկայնքով: Բնության կամուրջը միացնում է Թալեղանիի և Ջուր ու կրակ զբոսայգիները: Կամրջի հատուկ լուսավորությունն ու յուրահատուկ առանձնահատկությունները գրավում են շատերին: Կամրջի վրա գործում են մի շարք սրճարաններ և ռեստորաններ: Բնության կամուրջը երկրում առաջին և Մերձավոր Արևելքում ամենամեծ հետիոտնային կամուրջն է:
Իրանի բաբախող սիրտը համարվող Թեհրանը, գրավել է շատ օտարերկրյա զբոսաշրջիկների ուշադրությունը և Իրանի մյուս քաղաքաների մեջ ամենաբարձր դիրքում է առողջապահական զբոսաշրջիկների ներգրավման ոլորտում: Իրանի առողջապահական զբոսաշրջիկների համար, Թեհրանն առաջին նպատակակետն է :
Միջազգային անվտանգության ինդեքսի առումով, «2019-ի ճանապարհորդության ռիսկի քարտեզում» Իրանը հավասար է մի շարք երկրների հետ, ինչպիսիք են՝ Բրիտանիան, Կանադան, Շվեդիան և Դանիան: Ճանապարհորդության ռիսկի կամ travel risk-ի քարտեզը պատրաստվել է SOS միջազգային ռիսկերի ինստիտուտի կողմից, որն աշխարհի յուրաքանչյուր երկրում և տարածքում վտանգի մակարդակը ճշտում է` ելնելով ճանապարհորդների համար առկա սպառնալիքներից ելնելով: Դրանք են՝ ահաբեկչությունը, պատերազմը, սոցիալական անկարգությունները, հանցագործությունը և այլն: Քարտեզում հաշվի են առնվում նաև այնպիսի գործոններ, ինչպիսիք են տրանսպորտային ենթակառուցվածքի կայունությունը, արդյունաբերական հարաբերությունների մակարդակը, անվտանգության և արտակարգ իրավիճակների ծառայության արդյունավետությունը և երկրի խոցելիությունը բնական աղետների նկատմամբ:
Այսպիսով, Իրան ուղևորությունը անվտանգ և հիշարժան կլինի բոլոր զբոսաշրջիկների համար, սկսած՝ էկոտուրիզմի ոլորտի զբոսաշրջիկներից մինչև առողջապահական զբոսաշրջիկներ: Շարունակելով հաղորդումը կայցելենք Թեհրանի ամենահեղինակավոր հիվանդանոցներից՝ Բահման հիվանդանոցը և կծանոթանանք հիվանդանոցի պատմությանը, հնարավորություններին, սարքավորումներին, ինչպես նաև օտարերկրյա հիվանդներին սպասարկելու ծրագրին:
Բահման հիվանդանոցը գտնվում է Թեհրանի արևմուտքում՝ Իրանզամին փողոցում: Հիվանդանոցի շինարարությունն ավարտվել է 2006 թվականին և այն շահագործվել է մեկ տարի անց: Ներքին ճարտարապետության և շինարարության առումով, Բահման հիվանդանոցը, Թեհրանի ամենագեղեցիկ հիվանդանոցներից մեկն է, որը կառուցված է 18,000 քմ տարածքի վրա: 200 մահճակալով հիվանդանոցն ունի չորս հարկանոց տարբեր բուժական միավորներ, մեկ վերգետնյա գրասենյակ և երկու ստորգետնյա հարկ:
Բահման հիվանդանոցը մասնավոր և ընդհանուր հիվանդանոց է, և տասնմեկ տարվա ընթացքում, ճանաչվել է, որպես թերապիայի կենտրոն: Հիվանդանոցը հավատարմագրման առաջին կարգի վկայագիր է ստացել Իրանի առողջապահության, բուժման և բժշկական կրթության նախարարությունից: Բահման հիվանդանոցը առողջապահական ծառայություններ է մատուցում նաև կանանց և երեխաներին: Այն ստացել է գերազանց հիվանդանոցի դիպլոմ `բնական ճանապարհով ծննդաբերության ոլորտում և ճանաչվել է որպես մանուկներին սիող հիվանդանոց:
Բահման հիվանդանոցի բուժման հնարավորությունները ներառում են կլինիկա, պարակլինիկա, ստացիոնար բաժանմունք, ինտենսիվ թերապիայի բաժանմունք, մասնագիտացված վիրաբուժության սենյակ, դեղատուն և այլն: Այս բաժիններից յուրաքանչյուրը հիվանդներին սպասարկում է լավագույն հարմարություններով և սարքավորումներով: Օրինակ ՝ հիվանդանոցի սրտի ինտենսիվ թերապիայի բաժանմունքը ունի երկու CCU և երկու post CCU բաժիններ , ընդհանուր 25 ակտիվ մահճակալներով, որոնք պատրաստ են սպասարկելու թե՝ սրտի խնդիրներ ունեցող հիվանդներին, թե՝ այն հիվանդներին, որոնք հոսպիտալացվել են արտակարգ իրավիճակներում: Հիվանդներ, ովքեր անցել են անգիոգրաֆիա կամ անգիոպլաստիկա, նույնպես տեղափոխվում են այս բաժին: Բաժինը հագեցած է հատուկ մոնիտորինգի համակարգով, որտեղ յուրաքանչյուր մոնիտոր միացված է կենտրոնական մոնիտորին, և CCU ընդունված հիվանդները մշտապես վերահսկվում են:
Հիվանդանոցի վիրաբուժական բաժանմունքը ունի ընդհանուր վիրաբուժական սենյակ և սրտի վիրահատության սենյակ: Հիվանդանոցի ընդհանուր վիրահատական բաժինը ունի ութը ակտիվ վիրահատարաններ, որոնք հագեցած են ժամանակակից վիրաբուժական տեխնիկայով, որտեղ իրականացվում են ամենաբարդ վիրահատությունները, ընդհանուր վիրաբուժության, գինեկոլոգիայի, օրթոպեդիայի, ականջի, քթի և կոկորդի, նյարդավիրաբուժության, լապարոսկոպիայի և գեղեցկության ոլորտում: Բահման հիվանդանոցի սրտի վիրաբուժության բաժինը ունի նաև 4 գործող ևլավագույն սարքավորումներով վիրաբուժական սենյակներ, որոնք տտեղակայված են 400 քմ տարածքի վրա: Այստեղ սրտի վիրահատություններ են անցկացնում նշանավոր պրոֆեսորներ:
Բահման հիվանդանոցը ակտիվ է նաև միջազգային բաժնում և իր IPD (միջազգային հիվանդների բաժին) արտոնագիրը ստացել է Իրանի Առողջապահության,բուժման և բժշկական կրթության նախարարությունի: Ասիական և եվրոպական շատ երկրներից հիվանդներ, բուժման համար դիմում են այս հիվանդանոցին: Միջազգային հիվանդների ընդունելության բաժինը գտնվում է հիվանդանոցի առաջին հարկում:
Այժմ լսենք «Բահման» հիվանդանոցի սրտի վիրաբույժ, դոկտ.Քամրան Բաբազադեին, ով կխոսի հիվանդանոցի սրտի վիրաբուժության բաժանմունքի մասին:
Բարի օր, ես դոկտ.Քամրան Բաբազադեն եմ: Նախ և առաջ անհրաժեշտ եմ համարում որպես իրազեկ անձ, և հաշվի առնելով այս ոլորտում ինձ տրված պատասխանատվությունը, նշել, որ այս հիվանդանոցում իմ գործընկերների կողմից մատուցվող ծառայության որակը գերազանց է և մահացության մակարդակը, որը սրտի հիվանդությունների և վիրահատությունների բարդությունների հետևանքով առաջացող ամենալուրջ խնդիրն է, այս հիվանդանոցում շատ ցածր է: Դա վկայում է այս ոլորտում մատուցվող ծառայությունների որակի մասին: Աշխարհում սրտանոթային վիրաբուժության հետ կապված գրեթե բոլոր ծառայություններն այսօր իրականացվում են Բահման հիվանդանոցում: Այստեղ իրականացվում են սրտի երակների փոխպատվաստման վիրահատություն` սրտի փականների փոխարինման կամ վերականգնման միջոցով, նաև սրտի բուժում առանց սրտի փականների փոխարինման կամ վերականգնման: Նվազագույն ինվազիվ սրտանոթային վիրահատությունը աշխարհի ամենաարդի ծառայություններից է, որ իրականացվում է փոքր կտրվածքով: Նման վիրահատությունը պահանջում է փորձառութիւն և մասնագիտացված գործիքների կիրառում: Բահման հիվանդանոցը այն մասնավոր հիվանդանոցներից է, որն իրականացնումէ նման վիրահատություններ: Ես նույնպես պատիվ եմ ունեցել կատարել նման վիրահատություն:
Լսեցինք դոկտ. Բաբազադեին, ով անդրադարձավ Բահման հիվանդանոցում իրականացվող սրտանոթային վիրահատություններին:
Հիվանդանոցի միջազգային բաժնի հետ կապ հաստատելու և հիվանդանոցի ծառայությունների, գների և հիվանդների ընդունման կարգի մասին տեղեկություններ ստանալու նպատակով, կարող եք կապվել 02182499900 հեռախոսահամարով կամ այցելել հիվանդանոցի կայքեջ, հետևյալ հասցեով bahmanhospital.ir: Եթե ունեք հարցեր, կարող եք հիվանդանոցի էլ-փոստով [email protected] դիմել հիվանդանոցի փորձագետներին:
Հարգելի բարեկամներ ավարտվեց Առողջապահական զբոսաշրջություն հաղորդաշարի հերթական ծրագիրը: