Ամանորին ընդառաջ այսօր կխոսենք երազանքների մասին: Ամանորին բոլորս միմյանց մաղթում ենք ցանկությունների իրականացում , միմյանց ասում ենք թող այս տարում իրականանան ձեր բոլոր երազանքները:Այսօր ուզում ենք խոսել երազանքների իրականացման և չիրականացման մասին:

Բոլոր մարդիկ էլ երազանքներ ունեն, բայց քչերն են իրականացնում իրենց երազանքները: Բոլորի մեջ էլ ավելիին ձգտելու և ավելին անելու ցանկություն կա, բայց, ցավոք սրտի` ոչ բոլոր մարդիկ են հաջողության հասնում կյանքում: Ինչու՞: Ո՞րն է հաջողակ և անհաջողակ մարդկանց հիմնական տարբերությունը…

Իրականում երազանքներին հասնելու կամ չհասնելու պատճառները թաքնված են մարդու ներսում: Հաճախ նույն տանը ծնված, նույն անհնարին կամ հնարավոր դժվարությունների միջով անցած մարդկանցից մեկը հասնում է մեծ հաջողությունների, մյուսը հուսահատվում է`պատճառաբանելով, թե սխալ ընտանիքում կամ երկրում է ծնվել:

--- 

Բոլոր մարդիկ ունեն երազանքներ իրականացնելու անհրաժեշտ ներուժը, բայց քչերն են իրենց ներուժն օգտագործում:

Ինչու՞ է սա այսպես: Ինչու՞ է մարդկանց մեծամասնությունը հուսահատվում և հարմարվում կյանքին, հանգամանքներին և իրադարձություններին: Այս հարցի պատասխանը գտնելը թողնելով Ձեզ`մենք կքննարկենք հիմնական բնութագրիչ հատկանիշները, որոնք օգնում են մարդկանց` հաջողվելու իրականացնել իրենց երազանքները.

• Հարցրու ինքնդ քեզ`ո՞րն է իմ երազանքը և ինչու՞ է դրա իրականանալն այդքան կարևոր ինձ համար: Անհատը պետք է հասկանա և ճանաչի իր երազանքը
• Զարգացրեք հետևյալ հատկանիշները` նպատակասլացություն, աշխատասիրություն, երկաթե կամք, դժվարությունները հաղթահարելու գինը վճարելու պատրաստակամություն:
• Կիսիր քո երազանքները ճիշտ մարդկանց հետ և երբեմն էլ օգնություն խնդրիր նրանցից:
• . «Մարդկանցից շատերը պատրաստակամ չեն օգնություն խնդրելու, և հենց սա հիմնական տարբերությունն է այն մարդկանց միջև, ովքեր քայլ են անում և ովքեր` ոչ…»
• Մի վախեցիր ապագայից. միակ բանը, որից պետք է վախենալ`վախն է: «Մարդը պետք է քայլ անի և չվախենա ձախողվելուց, երբեմն` խիստ ձախողվելուց: Եթե դու վախենում ես ձախողվելուց, ապա երբևիցե դու չես էլ հաջողի»:
• Որպես երափակիչ միտք` գնահատման ենթարկիր քո երազանքը: Ի՞նչ է այն տալիս քեզ և քեզ շրջապատողներին`ընտանիքիդ, սիրելիներիդ, ընկերներիդ, երկրիդ և ի վերջո` մարդկությանը, ի՞նչ է այն տալիս միջավայրին:

Եսակենտրոն երազանքը իրական բավականություն չի պատճառում: Ենթադրենք` իմ երազանքն իրականացավ. սա ի՞նչ կտա իմ շրջապատին: Հաճախ երազանքների իրականացման գաղտնիքը կայանում է այս հարցի ճիշտ պատասխանն իմանալու մեջ:

Հիշի’ր. քո երազանքը քո ձեռքերում է…

Գուցե դուք հենց այս պահին կյանքի այն փուլում եք, երբ կառուցում եք ձեր երազանքները ու որոշում կյանքի ամենամեծ նպատակնե՞րը: Իսկ գուցե արդեն անցել եք այդ փուլը և զբաղված եք՝ այդ երազանքները կյանքի կոչելո՞վ: Կամ էլ գուցե արդեն ամեն ինչի հասե՞լ եք:

Մենք դա չգիտենք, բայց գիտենք, որ աշխարհում բոլոր հաջողակ մարդիկ իրենց ճանապարհը սկսել են երազանքից: Երազանքն իրականություն դարձնելու անհագ ցանկությունը դարձել է նրանց առաջ շարժող մեծագույն ուժը՝ նավի առագաստը, ուղղորդող աստղը երկնքում կամ մեկ ուրիշ բան: Երազանքը միշտ ծնում է հավատ ու նոր ուժեր առաջ քայլելու ու չհանձնվելու համար:

Հավատարիմ եղեք ձեր երազանքներին, և նրանք կհասցնեն ձեզ ձեր ցանկալի կետին:

---

Ինչպե՞ս իրականացնել ձեր երազանքները:  Ներկայացնում եմ հոգեբանների խորհուրդներն այդ մասին:
Դուք պետք է հասկանաք, թե իրականում ինչ եք ուզում: Հավանաբար, երբ երազում եք սպորտային մեքենայի մասին, հոգու խորքում պարզապես ցանկանում եք գոհացնել ուրիշներին: Ցանկությունները պետք է բխեն ձեզնից, այլ ոչ թե պարտադրվեն ծնողների կամ գովազդի կողմից:

Մանրամասն գրեք այն բոլոր հատկանիշներն ու որակները, որոնք պետք է ունենա ձեր երազանքը։ Այսպիսով, ֆանտազիաները ստանում են կոնկրետ ձևեր և դառնում ավելի իրական սեփական ենթագիտակցության համար, այսինքն՝ երազանքը վերածվում է նպատակի։ Նպատակի գրավոր հայտարարությունը խորացնում է վստահությունը ձեր սեփական հնարավորությունների նկատմամբ և ներառում է հաջողության հասնելու մեխանիզմ:

Եթե ​​ցանկանում եք միլիոնատեր դառնալ, բայց վախենում եք, որ հարստությունը ձեզ երջանկություն չի բերի անձնական կյանքում, ապա ձեր երազանքը դժվար թե իրականանա, քանի որ դուք ինքներդ եք արգելափակում այն։ Գրի առեք ձեզ այցելող բոլոր կասկածները: Դուրս քաշեք թաքնված վախերը, գտեք ներքին արգելքները։ Վերլուծեք, թե ինչ է ձեր ճանապարհին կանգնած՝ մեղքի զգացում, հիասթափության վախ, ինքնախղճահարություն, պատասխանատվությունից խուսափելու ցանկություն:

Երբ գտնեք բացասական համոզմունքներ, որոնք արգելափակում են ձեր երազանքները, փոխակերպեք դրանք դրականի: Ձեր ապագա ձեռքբերումները նկարագրելու համար օգտագործեք հաստատական ​​նախադասություններ: Կրկնեք բարձրաձայն կամ գրեք թղթի վրա. «Ես տաղանդավոր եմ և գիրք կգրեմ», «Կինս կաջակցի իմ բոլոր ջանքերին»: Մտածեք դրական: