Ողջույն բարեկամ-308
Մարտ 25, 2022 23:59 Asia/Yerevan
Բարի երեկո՝ հարգարժան ունկնդիրներ։ Հովհաննես Շիրազի գարնանային պայծառ տողերը նվիրելով ձեզ,շնորհավորում ենք գարնանամուտը, շնորհավորում ենք իրանական նոր տարին՝ Նոռուզը։ Ներկայացնում ենք 1401 թվականի «Ողջույն բարեկամ» հաղորդաշարի առաջին թողարկումը։
Մանուշակներ ոտքերիս ու շուշաններ ձեռքերիս,
Ու վարդերը այտերիս, ու գարունը կրծքիս տակ,
Ու երկինքը հոգուս մեջ, ու արևը աչքերիս,
Ու աղբյուրները լեզվիս՝ սարից իջա ես քաղաք,―
Ու քայլեցի խայտալով ու շաղ տալով մայթերին
Մանուշակներ ու վարդեր ու շուշաններ ձյունաթույր,
Ու մարդիկ ինձ տեսնելով՝ իրենց հոգնած աչքերին
Տեսան ուրիշ մի աշխարհ, գարուն տեսան նորաբույր,
― Ի՜նչ թարմություն,― ասացին,― ի՜նչ թարմություն,―
ու բացին
Լուսամուտներն իմ առջև, ու ես իմ սիրտը բացել՝
Անցնում էի երգելով ու շաղ տալով մայթերին
Մանուշակներ ու վարդեր ու հասմիկներ հոգեթով,
Կարծես մի ողջ բնություն մի պատանի էր դարձել,
Քաղաք իջել լեռներից՝ կանցներ զմրուխտ հեքիաթով
Երկրե-երկիր շաղ տալով կակաչներն իր ձեռքերի,
Մեր երգերի լուսաբացն ու գարունը լեռների։
Հովհաննես Շիրազ
Պիտակ
