Հիշարժան այցելություն(21)
Այսօր ձեզ հետ խոսելու ենք նահատակ Վահիկ Եսայանի ընտանիքի հետ Այաթոլլահ Խամենեիի հանդիպման մասին։
Ուրախություն և ոգևորություն, սա բոլոր այն ընտանիքների ընդհանուր զգացումն է, որոնց տունն անսպասելիորեն այցելում է մի շատ թանկագին հյուր: Հյուր, որը նրանք երբևէ չէին պատկերացնում, որ մի օր այդքան անկեղծորեն կնստի իրենց կողքին, նրանց հետ թեյ կխմի , միրգ ու քաղցրավենիք կուտի , հուշեր կպատմի ու կլսի նրանց հուշերը , և ինչպես անհավատալիորեն կգա , այդպես էլ անհավատալիորեն հրաժեշտ կտա նրանց: Նախորդ հաղորդումներում պատմեցինք ձեզ Իսլամական հեղափոխության գերագույն առաջնորդ Այաթոլլահ Խամենեիի ՝քրիստոնյա նահատակների ընտանիքների հետ հանդիպումների մասին:Հանդիպումներ, որոնք տարբեր տարիներին են կատարվել Ամանորի սեմին և այդ ընտանիքների համար համարվում է որպես ամենանվիրական ու արժեքավոր ընծան:
Այս թողարկման ընթացքում անդրադառնալու ենք նահատակ Վահիկ Եսայանի ընտանիքի հետ Իսլամական հեղափոխության առաջնորդի հանդիպման մասին: Հանդիպման մասին պատմել է Իրանահայ Համլետ Թումանյանը։ Հրավիրում ենք ձեզ ունկնդրել այն։
...
Զինվոր էր, խիզախ ու պատասխանատու, քանի որ քաջարի էր ՝ գնաց պաշտպանելու իր երկիրը:Եվ մնաց այնքան ,որ Աստված ընտրեց նրան:Նա կարող էր վերադառնալ նրանց օգնությամբ ,որոնց անվանում են ծանոթներ կամ միջնորդներ:Սակայն նա նախընտրեց Աստծուն մերձենալ քան վերադառնալ: Քանզի նա շատ լավ էր ճանաչել իր արարչին:
Նա ով ճանաչեց քեզ ,մարմինը ինչ արժե նրա համար
Քեզ համար խելագարվողը Ի՞նչպես վերաբերվի երկու աշխարհի հետ:
Վահիկի նահատակությունից հետո նա եկավ...հոգևորական էր ու լուսավոր: Նրա անհավատալի ներկայությունը ,ընդհանուրի մոտ զարմանք առաջացրեց:Քանի որ չգիտեին նրա գալու մասին: Մինչ նրա գալը, մի հսկայական ծաղկեկողովի բույրը ,ավետեց նրա գալու մասին: Նրա սիրալիր հանդիպումն սկսվեց բարևով: Բարև, որը բարին է պարգևում։ Այս հանդիպումը ևս նման է նրա բոլոր սիրալիր հանդիպումներին:
Այս գիշեր նահատակի հայրը,մայրը,եղբայրները,քույրերը և հորեղբոր որդին հավաքվել են իրար շուրջ: Մի այնպիսի գիշեր, որ ցանկանում են իրենց սիրելիի,սիրո ստեղծագործությունը ներկայացնել մաքրամաքուր գերդաստանի ներկայացուցչին: Մի գիշեր Հիսուսի Քրիստոսի Սուրբ Ծննդյան նախօրեին, ով , իր գթառատ և անսահման սիրով դիմակայել է բռնությանը, և իր հետևորդներին փոխանցել ազատատենչության և բռնության դեմ պայքարի ոգին, Հաջ աղան մոտենում է ընտանիքի հորը:
-Դե՝ ,ո՞նց եք,Լավ ե՞ք :
-Փառք Աստծուն,
-Դուք ի՞նչպես եք տիկին,
-Ողջ լինեք,շատ շնորհակալ եմ ,նեղություն եք կրել:
-Ձեր երիտասարդը ո՞րտեղ է նահատակվել։
-Սար-է փոլե Զահաբ,հակաօդային պաշտպանության սարքի վրա էր աշխատում: Ընկերները ասում են նահանջիր,բոլորը նահանջել են:Սակայն որդիս ասում է ես դեռևս 4 գնդակ ունեմ: Պետք է օդանավը կործանեմ: Ճակատում իր մասնագիտությունը «Սահանդ»մակնիշի հրթիռի վրա աշխատելն էր:
-Ինչ զարմանալի,արդյո՞ք «Սահանդ»ունեին :
-Այո:Մերսադի գործողության ժամանակ նահատակվեց:
-Աստված պահի ձեր մյուս զավակներին և նրանք ձեզ ուրախություն պարգևեն։
Ջերմ մթնոլորտ է տիրում և խոսքը Ամանորի և եկեղեցում աղոթելու մասին է: Ինչ ջերմ մթնոլորտ է այս ցուրտ ձմռանը: Աստծուն արժանի արարածների ջերմ սրտերը և նահատակի արիության մասին խոսելը:
-Պարոն,Ի՞նչ աշխատանքով եք զբաղված:
-Ես մեխանիկ եմ:
-Հայերը հնուց ավտո մեխանիկներ են եղել :Պատերազմի առաջին օրերն էին, միգուցե պատերազմից անցել էր չորս կամ հինգ ամիս ,որ անընդատ Ահվազ էի գնում ու գալիս : Մեկ անգամ երբ գնում էի, մի հայ երիտասարդ եկավ մոտս ու ասաց ,մի խումբ հայ արհեստավորներ են եկել ,ռազմական ավտոները վերանորոգելու համար: Ես մեկ հոգու գործուղեցի և ասացի ,որ այս մարդուց օգտվեք հենց այնտեղ,Ահվազի օդանավակայանում և զրահապատ տրանսպորտային բազայում: Միառժամանակ էր ,որ գնում գալիս էին ռազմաճակատ:Ամեն մարդ զբաղվում էր իր մասնագիտության բնագավառում: Շատ նահատակներ էլ նվիրաբերեցին:
Երբ նահատակի ծնողները ներկայացնում են իրենց որդու սիրո և նվիրումի դրվագները,Հաջ աղան հպանցիկ անդրադառնում է այս երկրի բոլոր սիրո դրվագներին: Մի այլ խիզախ հերոս, Հիսուսի կրոնից:
-Մի հայ զինվոր կար ,ով իր գրպանում ուներ մի փոքրիկ Ավետարան: Բեկորը դիպչում է Ավետարանին ու մտնում Ավետարանի մեջ: Իրենց պատգամավորը այդ Ավետարանը ինձ ցույց է տվել: Նա չէր նահատակվել ,ահավասիկ երբ այս երիտասարդը հետաքրքրված է Ավետարանով ,դա վկայում է այն մասին ,որ նա հավատացյալ երիտասարդ է:
Այս բանաստեղծական երեկոյի մթնոլորտը բարեկամական է և հեռու ամեն տեսակ պարտադրանքներից: Ճիշտ այնպես ,որ վայել է Աստծվածային մարդկանց:Կարծես թե բոլորը մոռացել են ,որ ներկա է երկրի քաղաքական ու կրոնական բարձրագույն դեմքը ,մարգարեի գերդաստանի շառավիղը: Հաջ աղան, հայրաբար հարցնում է ընտանիքի զավակների աշխատանքի ու կրթամակարդակի մասին:
-Տիկին,դուք նահատակի քույրն եք ,իսկ ի՞նչով եք զբաղված:
-Ուսանում եմ Սպահանի համալսարանի դեղագործական ֆակուլտետում:
-Շատ լավ է:Աստծով Հաջողեք:
-Նահատակ եղբայրս էլ,երբ համալսարան էր հաճախում ,անունը որպես զորակոչիկ հրապարակվեց: Իր ցանկությամբ հրաժարվեց համալսարանից ,որպեսզի զինվորագրվելով ռազմաճակատ մեկնի:
-Եթե մի ժողովուրդ չունենա նման հավատացյալ ,խիզախ ու անձնուրաց երիտասարդներ ,այդ ժողովուրդը աստիճանաբար տկարանալու է: Դա նման է այն ընտանիքին ,ով շրջափակված է թշնամու կողմից,սակայն ինքնին չունի գործունյա ու հզոր մարդիկ: Նման իրավիճակում են գտնվում կախված երկրները: Մենք մի երկիր ենք ,որը առևտրի ու արդյունաբերության ոլորտներում բազմաթիվ դժվարությունների դիմաց է կանգնած ,10 տարի է ինչ նման դժվարություններ են պարտադրել մեզ ,անցյալում էր հիմքը խախտված էր: Այնուամենայնիվ սիրելի ենք և ոչ թե՝ նվաստացած: Այսինքն այսօր աշխարհում չկա մի երկիր ,որը կարողանա հավակնել թե՝ ազդում է Իրանի կառավարության վրա: Մեր կառավարությունը աշխարհի որևէ ուժի ադեցության կամ վերահսկողության տակ չէ: Սա նշանակում է ,որ աշխարհում հպարտ ու վեհանձն եք: Նման կառավարություն չեք գտնելու ,միթե մի քանի մեծ կառավարություններ: Թե ոչ մեր ճանաչած ու տեսած բոլոր կառավարությունները,ինչ որ պատճառներով ,դրանք լինեն՝ տնտեսական հարցեր,կամ ռազմական սպառնալիք և կամ գաղափարական,այլ ուժերի ազդեցության ենթակա են:
Առաջնորդը աղօթում է նահատակի մոր համար:Նահատակ Վահիկ Եսայանի եղբայր Վարուժ Եսայանն ասաց .
-«Եղբայրս ծնվել էր 1966 թվականին և մեր ընտանիքի առաջին զավակն էր: Թեև փորձառական ճյուղում իր դիպլոման ստանալուց հետ ընդունվել էր Ազատ համալսարանի ճարտարագիտական ճյուղում ,սակայն երկու տարի ուսանելուց հետո հրաժարվեց համալսարանից ,ասելով որ հիմա պատերազմի պահն է և ցանկանում եմ զինվորագրվել: Նույնիսկ պատերազմական պայմանների պատճառով սովորականից 4 ամիս ավելի ծառայեց և «Սահանդ հրթիռային ստորաբաժանման »անդամ էր: Վերջին անգամ երբ արձակուրդի եկավ ,ինձ զգուշացրեց ,որ եթե չվերադարձա հոգ տար մեր ծնողների մասին: Կարծես թե՝գիտեր չի վերադառնալու:
Նահատակի քույրը ասում է .«Պարոն Խամենեի,եղբայրս այնպիսին էր, ով իր արձակուրդը զիջում էր ուրիշներին: Այսինքն 45 օրը մեկ անգամ նրանց արձակուրդ էին տալիս,մայրս կարոտում էր նրան ,սակայն նա ասում էր ,-«Իմ զինակցի մայրն էլ կարոտում է իր որդուն»: Եղբայրս զոհաբերում էր իրեն մինչև մահ ,սակայն պատրաստ չէր նահանջել: Այսինքն նրա նահատակությունը լի է պարծանքով» ։
-Դե նման պարագաներ մարդկային վեհ արժեքների բացառիկ նմուշներ են ,որոնք հազվադեպ են լինում: Նման երիտասարդներ նման են լույսի ,որոնք փայլում են այս մութ ու դաժան աշխարհում:
-Մեր ծանոթներից մեկը գնդապետ էր և ասաց ձեր որդուն թիկունքային ճակատ կփոխադրեմ :Սակայն որդիս չընդունեց :Ասաց կմնամ հենց նույն տեղում և չեմ նահանջելու:
-Դուք պետք է հզոր լինեք ու պարծենաք: Իրապես նման խիզախ, հզոր և լավ որդի ունենալը պարծանք է: Ձեր որդին նման է մի շենքի քարի,որը միշտ գոյություն ունի կառույցի մեջ: Նրա ջանքերի ու ներկայութեան նշանները տեսանելի են մեր հասարակության ու երկրի հիմքում ու այս ուժն ու արժանապատվությունը միշտ գոյություն ունեն: Դա նշանակում է, որ մեր նահատակների հիշատակը և նրանց սխրանքները հարյուրավոր տարիներ հավերժ կմնան մեր կյանքում, և սա շատ արժեքավոր է։
Պատմող․-Հեղափոխության առաջնորդը հպանցիկ ակնարկ է նետում Իրանի տղամարդկանց դիմադրությանն ու սխրագործությանը և այն համեմատում է անցյալ տասանյակներին Աֆրիկայի բնակիչների ստորացման հետ:
-Եթե թերթեք յուրաքանչյուր երկրի պատմության էջերը ,որոնք հզորության են հասել ,կտեսնեք որ նրանք նման անձնազոհություններ են կատարել: Աֆրիկյան երկրների այսօրվա թուլության ու նվաստացման պատճառն այն է, որ մի օր գաղութատերերը Ամերիկայից գնացին Եվրոպա ու Աֆրիկա, սափրեցին գլուխները և չորքոտանի պես նստեցին նրանց ուսերին։Նրանք նույնիսկ չէին համարձակվում խոսքով պայքարել գաղութատերերի դեմ:Հետևանքը այն նվաստացումն էր ,որը մի երկու դար պատեց Աֆրիկային: Աֆրիկան մի շատ հարուստ երկիր է : Աֆրիկայի շատ տարածքներ շատ ավելի կանաչապատ ու կենսունակ են Իրանի համեմատությամբ: Մի կարծեք թե Աֆրիկան դժոխք է: Ոչ: Աֆրիկան ,աշխարհի ամենանակաչ ու ամենագեղեցիկ երկրներից է : Նման լավ երկրները ռմբակոծել են , և նրանց ժողովուրդը հազարներով սովից մահանում է: Որովհետև այս մարդիկ ինչպես վայել էր համարձակություն չդրսևորեցին:Փառք Աստծուն, մեր ժողովուրդը նման խիզախություն դրսևորեց: Հեղափոխությունը վերակենդանացրեց ժողովրդին և նրանց պարգևեց կենսունակության, խիզախության ու հայրենասիրության ոգի: Իրանի ժողովուրդը նման երիտասարդների շնորհիվ սիրելի դարձավ: Եթե չլինեին նման երիտասարդներ ,նման վեհություն չէր լինելու: Նման ամրություն ,այսինքն պարծանք: Աստծով հաջողեք :
-Պատմող․Դժվար է հեռանալ նման լուսավոր միջավայրից: Սիրով առլեցուն նման բանաստեղծական երեկոյից: Սակայն տան միջավայրում ծածանվող խաղաղությունը,ավետում է Տիրոջ հաճության և բարի ավարտի մասին:Այժմ մեր կանաչ հայրենիքը,իր կանաչությունը պարտական է այս հայրենիքի երիտասարդների սիրո նվիրումներին: Երիտասարդներ, որոնց նմանները միգուցե կրկին հայտնվեն,սակայն նրանց հայտնությունը շատ էլ դյուրին չէ:Եվ ինչ ծանր առաքելություն է մեր ուսերին դրված ,որ սերնդե սերունդ փոխանցենք այսպիսի նվիրվածության և սիրո դրսևորումները ,որպեսզի հանկարծ մոռացության չմատնվեն: Եվ միշտ հիշենք ,որ այսօրվա կանաչ ճանապարհն արդյունքն է ՝նրանց կարմիր արյան:Մեր գոյությունը պարտական ենք նրանց չգոյության: