Հանուն գթած և ողորմած Աստծո: Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ, ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Ավարտվեց Լողման սուրահը և այս հաղորդման ընթացքում կսկսենք Սաջդե սուրահի մենկնաբանությունը:

Սաջդե սուրահը Ղուրանի 32-րդ սուրահն է և դրա այաներն իջել են Մեքքայում:

Սաջդե սուրահի առաջինից երրորդ այաներ

Սաջդե սուրահն այն 29 սուրահներից մեկն է, որ սկսվում է հնչյուններով: Ինչպես Բաղարա սուրահը, որը սկսվում է Ալեֆ Լամ և Միմ հնչյուններով:

 بِسْمِ اللَّهِ الرَّحْمَٰنِ الرَّحِیمِ

تَنْزِیلُ الْکِتَابِ لَا رَیْبَ فِیهِ مِنْ رَبِّ الْعَالَمِینَ

أَمْ یَقُولُونَ افْتَرَاهُ ۚ بَلْ هُوَ الْحَقُّ مِنْ رَبِّکَ لِتُنْذِرَ قَوْمًا مَا أَتَاهُمْ مِنْ نَذِیرٍ مِنْ قَبْلِکَ لَعَلَّهُمْ یَهْتَدُونَ

Ալեֆ, լամ, միմ:

Այս Գիրքը իջեցրեց տիեզերքի Վեհապետը: Դրանում ոչ մի տարակույս չպետք է լինի:

 (Անհավատներն) ասում են. «Դա հնարել է (Մոհամմադը)»: Ոչ, երկնային ճշմարտությունն այն ուղարկեց քեզ, որպեսզի հավատքի խոսքը քարոզես մի ժողովրդի, որ  քեզնից առաջ դեռևս ազդարարող չէր ունեցել, և որպեսզի այդ ժողովրդին հավատքի ջահով լուսավորես: 

Հաջորդ այան ասում է, որ այս հնչյունները Ղուրանի ուղարկվելու հետ են կապված և ցույց են տալիս այդ գրքի հրաշափառ էությունը: Այն սկսվել է արաբական հնչյուններով, սակայն  դրա շարահյուսությունն այնպիսին է, որ որևէ մարդ արարած չի կարող դրա նման երկրորդը ստեղծել: Գիրք, որը բխում է ճշմարտությունից և այն ժխտողները պատրաստ չեն ընդունել դրա այաները: Նրանք մարգարեին մեղադրում են այաները նախապես գրելու և դրանք Աստծուն վերագրելու մեջ: Սակայն մարգարեի նպատակն է նախազգուշացնել, որպեսզի մարդիկ  հեռու մնան սխալ արարքներից ու չարագործությունից:

Այս այաներից սովորում ենք․

1. Չնայած սնահավատները կասկածամիտ են Ղուրանի վերաբերյալ, սակայն Ղուրանի ճշմարտացիությանը չի կարելի կասկածել, քանի որ այն իջեցվել է Բարձրյալի կողմից։

2. Ղուրանը մեկնաբանող գիրք է, այն ցույց  է տալիս ճանապարհը և ստեղծվել է նրա կողմից, ով արարել է տիեզերքը։

3. Մարգարեների հիմնական նպատակը մարդկանց նախազգուշացնելն է, որպեսզի չմոլորվեն

Սաջդե սուրահի չորրորդ այա

اللَّهُ الَّذِی خَلَقَ السَّمَاوَاتِ وَالْأَرْضَ وَمَا بَیْنَهُمَا فِی سِتَّةِ أَیَّامٍ ثُمَّ اسْتَوَىٰ عَلَى الْعَرْشِ ۖ مَا لَکُمْ مِنْ دُونِهِ مِنْ وَلِیٍّ وَلَا شَفِیعٍ ۚ أَفَلَا تَتَذَکَّرُونَ

Աստված վեց օրում ստեղծեց երկինքներն ու երկիրը և այն ամենը, ինչ կա նրանց միջև: Հետո նստեց Իր գահին: Դուք իրենից բացի այլ պաշտպան չեք կարող ունենալ: Մի՞թե դաս չեք առնում:

Այս այան արարչագործության մասին է, ինչպես որ Ղուրանը միայն ստեղծել է Աստված, արարման հեղինակն էլ միայն Աստված է: Ոչ մեկը Նրան չի օգնել և ամբողջ տիեզերքի յուրաքանչյուր բաժին, ստեղծվել է Նրա կամքով: Ինչեպս որ Ղուրանի այաները ուղարկվել են մարգարեի մարգարեության 23 տարիների ընթացքում, արարչագործությունը տևել է վեց շրջան, որոնք շատ երկար են տևել: Դժբախտաբար, մարդկանցից  շատերը գաղափար չունեն արարչագործության մասին և ավելի շատ արարածներին են ուշադրություն դարձնում ու նրանց համարում  իրենց փրկիչը: Դա այն դեպքում, երբ Աստծու մարգարեները, Աստծու կամքով են բարեխոսում: Ոչ ոք չի կարող լինել մարդու բարեխոսը և մաքրել նրա մեղքերը կամ Աստծու միջնորդ դառնալ Աստծու բարիքներն ստանալու համար։

Այս այաներից սովորում  ենք

1. Ողջ տիեզերքը կառավարում է նա, ով այն ստեղծել է։

2. Մարդն ունի նախազգուշացումների և Աստծու բարիքների մասին վերհիշումների կարիք, հակառակ դեպքում կմոլորվի։

Սաջդե սուրահի 5-րդ  և 6-րդ այաներ

یُدَبِّرُ الْأَمْرَ مِنَ السَّمَاءِ إِلَى الْأَرْضِ ثُمَّ یَعْرُجُ إِلَیْهِ فِی یَوْمٍ کَانَ مِقْدَارُهُ أَلْفَ سَنَةٍ مِمَّا تَعُدُّونَ

ذَٰلِکَ عَالِمُ الْغَیْبِ وَالشَّهَادَةِ الْعَزِیزُ الرَّحِیمُ

Նա կառավարում է աշխարհի գործերը երկնքից երկիր: Ապա այն օրը, որի տևողությունը, ինչպես դուք եք հաշվում, հազար տարի պիտի լինի, վեր եք բարձրանալու՝ դեպի Իրեն:

Աստված ծանոթ է ամեն բանի: Նա գաղտնիքների ստվերի մեջ է թափանցում: Հզոր ու գթած Աստված է Նա:

Այս այաները ևս մեկ անգամ անդրադառնում են արարչագործությանը, նշելով, որ ողջ տիեզերքը, երկիքն ու երկիրը կառավարում է Աստված, որը միևնույն ժամանակ մարդու բոլոր գործերից տեղյակ է և բոլոր դեպի Աստված են վերադառնում ոչինչ նրա կամքին հակառակ չի կարող լինել: Այստեղ անդրադարձ է կատարվում նաև այն օրվան, երբ մարդու աչքի առաջ երևում է, ասես դա դատաստանի օրն է: Ամեն ինչ ներկայացվում է աստվածային դատարանին և Աստված իր անսահման գիտության շնորհիվ տեղյակ է ամեն ինչից: Եվ ըստ իր գթության է վերաբերվում իր արարածներին։

Այս այաներից սովորում ենք։

1. Արարիչն ախարհի տերն է և միաստվածությունը նշանակում է, որ ամեն ինչի տերն Աստված է: Ուրեմն ամեն ինչ եկել է Նրանից ու վերադառնալու է դեպի Նա։

2. Ամբողջ տիեզերքի նախախնամությունը հիմնված է աստվածային անսահման գիտության վրա:

3․Աստծու գիտությունը բոլոր հարցերի վերաբերյալ հավասար է, լինի դա բացահայտ, թե՝ ոչ բացահայտ։