Բարև Ձեզ հարգարժան ռադիոլսող բարեկամներ։ Դուք լսում եք Հայերեն ռադիոժամը։Եթերում է Ողջույն բարեկամ հաղորդաշարի հերթական թողարկումը:

Հարգարժան բարեկամներ  հայերեն ռադիոժամը  օրերս շնորհակալությամբ ստացել է Թեհրանի «Ազատ» համալսարանի Հայոց լեզվի և գրականության ամբիոնի  հովանավոր հիմնադրամի թողարկած ձայնասկավառակը,որում ընդգրկված են սիրային և գարնան թեմաներով բանաստեղծություններ՝Իրանահայ վաստակաշատ ասմունքողների կատարմամբ։ 

Հայերեն ռադիոժամի անունից  ողջունում ենք «Ազատ» համալսարանի Հայոց լեզվի և գրականության ամբիոնի  հովանավոր հիմնադրամի այս նախաձեռնությունը։

Հարգելի ունկնդիրներ ձայնասկավառակին կցված  գրության մեջ ասված է․«Թեհրանի Ազատ համալսարանի Հայոց Լեզվի և գրականության ամբիոնի հովանավոր հիմնադրամը Հիսուս Քրիստոսի հրաշափառ Հարության և գարնանային տոների առիթով թողարկել է, հայ բանաստեղծական մտքի գանձարանից մի փունջ բանաստեղծություններ և երգեր՝ հոգևոր, հայրենասիրական,սիրային և գարնան թեմաներով։ Այս ձայնասկավառակը համարվում է հիմնադրամի չորրորդ ձեռնարկը, որի նպատակն է, Իրանահայ համայնքին ծանոթացնել և տարածել ազգային գեղարվեստական գրականության բացառիկ նմուշները»։

Թեհրանի Ազատ համալսարանի Հայոց լեզվի և գրականության ամբիոնի վարիչ՝ հարգարժան Դոկտոր Անդրանիկ Սիմոնյան և Հիմնադրամի ատենապետ՝  հարգարժան տիկին Իռեն Աբնուսյան, շնորհակալություն Ձեզ՝ ռադիոժամին նվիրած ձայնասկավառակի համար, Ձեզ մաղթում ենք նորանոր հաջողություններ Հիմնադրամի առաքելության իրականացման ճանապարհին։