Ողջույն ձեզ թանկագին բարեկամներ: Ինչպես միշտ մեր հաղորդման ընթացքում կանդրադառնանք մի շարք գեղարվեստական լուրերի: Իսկ եթերում մեզ կընկերակցի մեր թղթակիցը:

Իրանի ազգային թանգարանում ներկայացվելու են Հայաստանի հնագիտական գտածոները:

Իրանի ազգային ցուցահանդեսի տնօրեն Ջեբրայիլ Նոքանդեի խոսքերով,  Իրան-Հայաստան համատեղ ցուցահանդեսում  առաջին անգամ ներկայացվելու են Հայաստանի պատմության թանգարանի և Իրանի ազգային թանգարանի համաժամանակյա 103-ական նմուշ:  Ցուցադրված նմուշները ներառելու են Ք.ա 4-րդ հազարամյակից մինչև Ք.ա 1-ին դարն ընկած ժամանակաշրջանը: Հայ-իրանական համատեղ ցուցադրությունը կկայանա «Հայաստան և Իրան. հողի հիշողությունը» խորագրով:

Իրանի ազգային թանգարանի հիմնադրման 80-ամյակի միջոցառումների շրջանակում, ցուցահանդեսներ են կազմակերպվել: Հոկտեմբերի 17-ին ցուցադրվելու են Հայաստանի հնագիտական 103 գտածոների  ցուցահանդեսը: Առաջիկա ամսում ցուցադրվելու են Հարավային Կորեայի թանգարանային նմուշները, իսկ մատին, Իրանի ազգային թանգարանում ցուցադրվելու են Ֆրանսիայի Լուվրի թանգարանի ավելի քան 60 նմուշներ:

Նույն կապակցությամբ Panorama.am-ի հետ զրույցում Հայաստանի Պատմության թանգարանի տնօրեն Գրիգոր Գրիգորյանն ասաց, որ ցուցանմուշերը՝ արձանիկներ, վահաններ, սաղավարտներ, գոտիներ, թասեր, սափորներ, արձանագրություններ,  վերաբերում են մ.թ.ա.3-րդ հազարամյակից մինչև մ.թ.ա 1-ին դարին, շեշտը դրված է ուրարտական  հատվածի վրա:

Նա նշեց, որ ցուցանմուշներն ընտրել են իրենք, այնուհետև քննարկել իրանական կողմի հետ:

«Նույն ցուցահանդեսում միաժամանակ ցուցադրվելու է նաև հենց Իրանի ազգային թանգարանում պահվող 100 ցուցանմուշ: Իրանում էլ ուրարտական հնավայրեր կան, իրենք էլ իրենց են զուգահեռ ցուցադրելու: Սրանով է հետաքրքրի այս ցուցահանդեսը»,- ասաց  Հայաստանի Պատմության թանգարանի տնօրենը:

Հարցին, թե հնարավո՞ր է Հայաստանում էլ նմանատիպ ցուցահանդես կազմակերպվի, Գ. Գրիգորյանն ասաց. «Իսկ ինչո՞ւ ոչ:  Հնարավոր է: Կլինեն ծրագրեր: Ի սկզբանե մտածված էր, որ մենք Իրանում ներկայացնենք միայն մեր աշխատանքները,  հետո իրենք էլ իրենցը բերեն մեզ մոտ:

Բայց  իրանական թանգարանի տնօրենն առաջարկեց, որ մեկտեղենք, զուգահեռ ցուցադրենք այս ամբողջը: Ես համաձայնվեցի, որովհետև այսպես ավելի է հարստանում ցուցահանդեսը»:

Ցուցահանդեսի բացման մասնակցելու համար Գրիգոր Գրիգորյանը մեկնելու է Իրան: Ցուցահանդեսը գործելու է մինչև 2018 թ. հունվարի 17-ը:

Այն կազմակերպվում է 2016 թ. Հայաստանի և Իրանի միջև մշակույթի ոլորտում  կնքված համագործակցության հուշագրի շրջանակում:

Կինոյի ոլորտում հայ-իրանական առաջին լիարժեք արտադրությունը համարվող իրանահայ կինոբեմադրիչ Անահիտ Աբադի «Եվա» գեղարվեստական ֆիլմը ցուցադրվելու է Միլ Վալիի 40-րդ միջազգային փառատոնի «Համաշխարհային կինո» անվանակարգում:

Հայալեզու ֆիլմը հանդիսանում է Հայաստանի եւ Իրանի համատեղ արտադրություն: Կինոնկարը նկարահանվել է «Հայաստանի ազգային կինոկենտրոնի» եւ «Ֆարաբի» կինոհիմնադրամի ֆինանսական աջակցությամբ:

Ֆիլմը դրամատիկ պատմություն է մի կնոջ մասին, ով ուզում է մոռանալ տարիներ առաջ իր կյանքում տեղի ունեցած մութ ու ծանր պատմությունը։ Եւան դստեր հետ հեռանում է Երեւանից, հաստատվում է ծանոթների մոտ։ Սակայն, անցյալը ամենուր հետապնդում է նրան․․․

Կինոնկարում նկարահանվել են Նարինե Գրիգորյանը, Շանթ Հարությունյանը, Մարջան Ավետիսյանը, Ռոզի Ավետիսյանը, Սերգեյ Թովմասյանը, Վրեժ Քասունին, Տիգրան Դավթյանը, Նանոր Պետրոսյանը, Էլենա Ադամյանը, Մարատ Դավթյանը եւ ուրիշներ։

«Եվա»-ն սեպտեմբերի 24-ից ցուցադրվել է Երևանի երեք կինոթատրոններում և համաձայն Հայկական ազգային կինոակադեմիայի որոշման, այս տարի Հայաստանը ներկայացնելու է Ամերիկյան կինոակադեմիայի` «Օսկար» ամենամյա մրցանակաբաշխության «Լավագույն օտարալեզու ֆիլմ» անվանակարգում:

«Եվա»-ն ավելի վաղ ցուցադրվել է Կանադայի Մոնթրեալի միջազգային կինոփառատոնում, իսկ նոյեմբերի 23-ին Իրանի կողմից մասնակցելու է Ասիա-Փասիֆիկ կինոմրցանակաբաշխությանը (Asia Pacific Screen Awards):

Իրանական «Հանդարտությամբ» լիամետրաժ վավերագրական ֆիլմը շահել է Հայաստանի «Ծիրանի Ծառ» միջազգային 3-րդ կինոփառատոնի գլխավոր մրցանակը:

Շահրամ Բադախշան Մեհրի հեղինակած «Հանդարտությամբ» լիամետրաժ վավերագրական-գեղարվեստական ֆիլմն արժանացավ Հայաստանի «Ծիրանի Ծառ» միջազգային 3-րդ կինոփառատոնի գլխավոր մրցանակին:

«Ծիրանի Ծառ» միջազգային 3-րդ կինոփառատոնը անցկացվեց հոկտեմբերի 1-ից 5-ը Երևանում և Ուջանում: Փառատոնի ընթացքում ցուցադրվեցին 25 երկրներից 30 ֆիլմեր, որոնք ընտրվել էին աշխարհի 100 երկրներից ստացված 1650 մասնակցության հայտերի միջից:

«Հանդարտությամբ» վավերագրական ֆիլմը պատմում է մարդկային խոր հարաբերությունների մասին, որոնք մոռացության են տրվում ժամանակակից աշխարհում:

Սփյուռքի հայագիր և օտարագիր գրողների համաժողովն օգնում է, որ Հայաստանում, Սփյուռքում ստեղծագործող հայ գրողները ճանաչեն միմյանց, ծանոթանան միմյանց գործերին, հետևեն գրական մամուլի գործունեությանը: «Արմենպրես»-ի հաղորդմամբ` այդ մասին հոկտեմբերի 6-ին լրագրողների հետ հանդիպմանն ասաց ՀԳՄ նախագահ Էդվարդ Միլիտոնյանը: Համաժողովը կանցկացվի հոկտեմբերի 8-12-ը Ծաղկաձորում և Երևանում:

«Կմասնակցեն 17 երկրից 46 գրող: Նրանք ժամանել են Ամերիկայից, Գերմանիայից, Ֆրանսիայից, Ռուսաստանից, Անգլիայից, Կիպրոսից, Վրաստանից, Իրանից և այլ օտար երկրներից: Համաժողովի թեման կլինի ժամանակակից հայ գրողներն ու գրականությունը 21-րդ դարի մարտահրավերների առջև»,-նշեց Միլիտոնյանը և հավելեց, որ Համաժողովի ավարտից հետո հրատարակվելու են մասնակից ստեղծագործողների ու զեկուցողների գործերը:

Համաժողովի թեման կլինի «Ժամանակակից հայ գրողներն ու գրականությունը 21-րդ դարի մարտահրավերների առջև»: Զեկույցներով հանդես կգան Պետրոս Դեմիրճյանը, Վարդան Դևրիկյանը, Սուրեն Աբրահամյանը, Սաթենիկ Ավետիսյանը, Վարդան Հակոբյանը, Քնարիկ Աբրահամյանը և այլք:

«Los Angeles Times»-ում հրապարակվել է «Ժխտման ճարտարապետները» փաստագրական ֆիլմի գրախոսականը: Ֆիլմը պատմում է Հայոց Ցեղասպանության ժխտման հարցում Անկարայի ջանքերի մասին:

Հեղինակը խոսքով՝ ֆիլմը ներկայացնում է, որ 1915թ. Ցեղասպանության վայրագության ժխտումը հանգեցնում է պատմության կրկնությանը:

«Պրոդյուսեր եւ ռեժիսոր Դեվիդ Լի Ջորջը այդ թեորիայի կողմնակից է եւ բացահայտ ներկայացնում է Հայոց ցեղասպանության սարսափը, ինչպես նաեւ ներկա օրերում Թուրքիայի եւ նրա դաշնակից Ադրբեջանի կողմից հայերի նկատմամաբ հետապնդումմները»,- գրում է հեղինակը:

Շատ տպավորիչ է այն, որ ֆիլմում հիշեցվում է, որ հայերի Ցեղասպանության համար պատասխանատվության բացակայությունը հանգեցրեց նրան, որ Ադոլֆ Հիտլերը հավատաց, որ աշխարհը աչքերը կփակի նաեւ իր հանցագործության հանդեպ:

«Ջորջը ներկայացնում է շատ սարսափելի արխիվային կադրեր, ինչպես նաեւ երկու ողջ մնացածների հետ հարցազրույցները, ինչպես նաեւ բազմաթիվ հայերի մեկնբանություններն իրենց սպանված հարազատների մասին»,- նշվում է հոդվածում:

Հայաստանի Կինեմատոգրաֆիստների միության նախագահ է ընտրվել ռեժիսոր Հարություն Խաչատրյանը: Նախագահի ընտրությունը կայացավ միության համագումարի ընթացքում: Ընտրությանը գրանցվել էր միության 145 անդամ:

Կինեմատոգրաֆիստների միության նախագահի թեկնածուները երեքն են՝  ռեժիսորներ Վահե Գևորգյանցը, Հարություն Խաչատրյանը, «Հայաստանի ազգային կինոկենտրոնի» արդեն նախկին տնօրեն Գևորգ Գևորգյանը: Հարություն Խաչատրյանն ընտրվեց 88 ձայնով:

Հիշեցնենք, որ Հայաստանի Կինեմատոգրաֆիստների միության նախագահ ՀՀ ժողովրդական արտիստ Ռուբեն Գևորգյանցը մահացել է այս տարվա հունիսի 23-ին:

Կոմիտասի թանգարան-ինստիտուտում տեղի ունեցավ Լուսինե Գրիգորյանի կատարմամբ Կոմիտասի դաշնամուրային ստեղծագործությունների ձայնասկավառակի շնորհանդեսը։

«Արմենպրես»-ի հաղորդմամբ, հեղինակը նշեց, որ սկավառակը թողարկել է աշխարհում մեծ հեղինակություն վայելող գերմանական ECM records-ը: Ձայնագրվել է Շվեյցարիայի Լուգանո քաղաքի RSI ստուդիայում, ECM records-ի հիմնադիր Մանֆրեդ Այխերի անմիջական ղեկավարությամբ։

«Ձայնասկավառակը ձայնագրվել է Շվեյցարիայում 2015 թվականին: Մանֆրեդ Այխերը շատ լավ ծանոթ է Կոմիտասի երաժշտությանը եւ ինքն արդեն իսկ թողարկել է Տիգրան Մանսուրյանի ստեղծագործությունները, Տիգրան Համասյանի «Կոմիտաս»-ը: Ես 11 տարի սպասել եմ այս ձայնասկավառակին: Երբ Այխերն առաջին անգամ լսել է իմ կատարումը, ասել է, որ մի օր կաշխատի ինձ հետ»,-ասաց Գրիգորյանը, հավելելով, որ  ընկերությունը ձայնասկավառակը հոկտեմբերի 13-ին կներկայացնի Անգլիայում, իսկ նոյեմբերին Ամերիկայում:

Ձայնասկավառակում ներառված են Կոմիտասի բոլոր դաշնամուրային ստեղծագործությունները, բացառությամբ ուսանողական տարիների ստեղծագործությունների:

Այս տարի գրականության ոլորտում հեղինակավոր Նոբելյան մրցանակի է արժանացել ճապոնական ծագմամբ բրիտանացի գրող Կաձուո Իշիգուրոն:

Ինչպես հայտնում է The Guardian-ը, Շվեդիայի գիտությունների թագավորական ակադեմիան Իշիգուրոյին պարգևատրել է իր նովելները զգայական մեծ ուժով օժտելու, ինչպես նաև իր գրվածքների միջոցով երևակայականի ու իրական աշխարհի միջև կապը բացահայտելու համար:

Հայտնի է, որ գրողը կստանա 1.1 մլն դոլար:

Նոբելյան Մրցանակների հանձնման հանդիսավոր արարողությունը կկայանա Ալֆրեդ

Իտալական Սալո քաղաքում «Խելագարության թանգարան» ցուցահանդեսի ժամանակ այցելուներից մեկը բղավել է «Սրիկա» և պտտուկահանով հարձակվել Ադոլֆ Հիտլերի վրձնին պատկանող նկարի վրա: Անվտանգությանը հաջողվել է կանխել հարձակումը, արդյունքում կտավը թեթևակի վնասվել է:

Տղամարդը, ում անունն անհայտ է մնում, թաքնվել է: Կտավը պատկանել է գերմանացի կոլեկցիոների, ով որոշել է դեպքի առիթով  ոստիկանությանը հաղորդում չտալ:

«Խելագարության թանգարան» ցուցահանդեում ներկայացված է շուրջ 200 կտավ, քանդակ  և ինստալյացիա, որոնց հեղինակները մարդիկ են, ովքեր հոգեկան հիվանդներ են համարվում, նաև խելագարության թեմայով տարբեր կտավներ: