Ընտելանանք (39)

Լավ կյանք ունենալու համար կարևոր է ֆիզիկական և հոգեկան առողջությունը։ Երբեմն ցանկալի կյանքին հասնելու համար անհրաժեշտ է ապրելակերպի փոփոխություն։ «Ընտելանանք» հաղորդաշարի շրջանակներում միասին փորձում ենք սխալ սովորությունները փոխարինել ճիշտ սովորություններով։

Հարկ է նշել, որ  հաղորդաշարի շրջանակներում  ներկայացված խորհուրդներն ընդհանուր են, և հնարավոր է, որ դրանցից մի քանիսը հարմար չլինեն բոլորի համար: Անհրաժեշտության դեպքում  ձեր կենսակերպում փոփոխություններ մտցնելու համար կարող եք խորհրդակցել  ձեր բժշկի կամ խորհրդատուի հետ:

Նախորդ հաղորդման ընթացքում քննարկեցինք կնոջ կամ ամուսնու հասցեին հնչող քննադատությունները: Այս թողարկման ընթացքում կանդրադառնանք առցանց հաղորդակցության սկզբունքներին ու ձևերին։

Ներկայումս ինտերնետի միջոցով աշխատանքի հետ կապված հաղորդակցման հարթակներն այնքան են աճել, որ մարդիկ շփոթվում են, և շատ ժամանակ են վատնում հաղորդագրությունները ստուգելու և դրանց արձագանքելու հարցում:  Այնպես որ մարդիկ ձգտում են կարգավորել առցանց հաղորդակցություններում իրենց խնդիրները և անհրաժեշտություն են զգում իմանալ առցանց հաղորդակցության սկզբունքները:

Վիրտուալ հաղորդակցության համար օգտագործված առաջին գործիքը էլեկտրոնային փոստն էր: Էլեկտրոնային փոստը զանգվածաբար մուտք գործեց աշխատավայր 1990-ականներին և արդյունավետ միջոց էր մերձավոր և հեռու մարդկանց հետ շփվելու համար, և այն բերեց բազմաթիվ օգուտներ: Համացանցի ընդլայնման և կայունության հետ միաժամանակ, կապի այս գործիքի օգտագործումը մեծացավ, և դրա ուժը դարձավ թույլ կողմ: Հաղորդագրությունների հեղեղը շատ մեծ էր և աշխատանքային միջավայրում սպասում էին, որ դուք ավելի արագ շատ հաղորդագրությունների կպատասխանեք։ Հավանաբար մարդկանց ավելի արձագանքող լինելու ցանկությունը բավարարելու համար ակնթարթային հաղորդագրություններն ի հայտ եկան 2000-ականների սկզբին՝ որպես աշխատակիցների առցանց հաղորդակցության երկրորդ մեթոդ, և այսօր տարածվել է ամենուր: SMS հաղորդագրությունը և հեռախոսազանգը, ևս տարածված են եղել հաղորդակցության ոլորտում։

COVID-19 վիրուսի տարածումից հետո առցանց հաղորդակցության անհրաժեշտությունն ավելի ու ավելի էր զգացվում և գրասենյակային շատ աշխատողների դրդեց հեռավար աշխատելու։ Ներկայումս ֆիզիկական շփման պակասներից շատերը փոխհատուցվում են առցանց հաղորդակցության բոլոր ձևերով: Թեև այս խնդիրն ունի առավելություններ և օգնում է մարդկանց հեշտացնել անցումը, այն նաև խորացնում է ավելորդ հաղորդակցության մարտահրավերները, որոնք ներկայումս ազդում են աշխատանքային միջավայրերի մեծ մասի վրա:

Առցանց հաղորդակցությունը մեզ ստիպել է ընկերներ գտնել ամբողջ աշխարհում, ինչպես նաև դրա միջոցով կատարել մեր շատ գործերը՝ լինի դա գրասենյակային, ընկերական կամ ընտանեկան,  ավելի արագ և քիչ ժամանակ վատնելով: Այսպիսով, առցանց հաղորդակցությունը կարող է շատ ոգևորիչ լինել: Միևնույն ժամանակ, եթե մենք չգիտենք առցանց հաղորդակցության վարվելակարգը, կարող ենք թյուրիմացության կամ դժվարության մեջ ընկնել: Նման խնդիրների չբախվելու համար ստորև մենք կանդրադառնանք սոցիալական վարվելակարգը և առցանց հաղորդակցության սկզբունքներն ու ձևերն ավելի լավ հասկանալու ուղիներին:

Նախ՝ աշխատեք զգույշ լինել բառերի ընտրության հարցում՝ արդյունավետ և հստակ հաղորդակցվելու համար: Ցանկացած շփման ժամանակ աշխատեք հստակ խոսել, որպեսզի մյուս կողմը սխալ չհասկանա։ Նախքան ուղարկելու կոճակը սեղմելը, նորից կարդացեք ձեր հաղորդագրությունը և հարցրեք ինքներդ ձեզ՝ արդյոք ես որևէ ավելորդ կամ ոչ-անհրաժեշտ բան եմ ասել: Ասե՞լ եմ այն ​​ամենը, ինչ ուզում էի ասել: Միտքս պա՞րզ է: Խոսքերս շփոթեցնող կամ տարօրինակ չե՞ն: Խոսքերս թյուրիմացություն չե՞ն առաջացնում:

Քանի որ դեմ առ դեմ շփման ժամանակ մարմնի լեզուն և ձեռքի շարժումները օգնում են փոխանցել իմաստը: Բայց առցանց և տեքստային հաղորդակցության մեջ դիմացինը կարող է միայն ձեր խոսքերից հաղորդագրություն վերցնել, ուստի զգույշ եղեք կատակ անելիս։ Քանի որ նույնիսկ եթե կատակն ակնհայտ է ձեզ համար, դիմացինը կարող է ձեր կատակը լուրջ ընդունել։ Զրուցելու ժամանակ մի մոռացեք, որ մյուս կողմը նույնպես մարդ է։

Եթե ​​ձեր առցանց ընկերը վշտացնում է ձեզ, պատասխանելուց առաջ սպասեք մի քանի րոպե: Զգույշ եղեք, որ չվիրավորեք նրան կամ հապճեպ դատողություններ չանեք։ Եթե ​​համաձայն չեք առցանց ընկերոջ կարծիքի հետ, նրա կարծիքը վիրավորելու փոխարեն ասեք, որ այլ կարծիք ունեք։ Բացի այդ, եթե ձեր հաղորդագրությունը լի է տպագրական, ուղղագրական և քերականական սխալներով, մյուս կողմը կարող է ձեզ լուրջ չընդունել: Բացի այդ, տառասխալները դժվարացնում են ձեր հաղորդագրությունը կարդալն ու հասկանալը: Ուշադիր կարդացեք ձեր հաղորդագրությունը՝ ուղարկելու կոճակը սեղմելուց առաջ:

Փորձեք շատ ծանոթ արտահայտությունների փոխարեն օգտագործել ճիշտ և ամբողջական նախադասություններ: Իհարկե, շատ մտերիմ ընկերների դեպքում պետք չէ դա դիտարկել. Բայց անծանոթների հետ զրույցում օգտագործեք բառի կամ նախադասության ամբողջական ձևը: Եթե ​​դուք զրուցում եք ձեր ուսուցչի կամ գործատուի հետ, ապա ավելի լավ է խուսափեք օգտագործել խոսակցական նախադասություններ, ինչպիսիք են «Չեմ կարծում, շեֆ»և  նման արտահայտություններ: Նաև խմբերում հաղորդագրություններ ուղարկելուց առաջ կարդացեք ֆորումի կամ խմբի կանոնները և ուշադրություն դարձրեք խմբի անդամների փոխազդեցությանը, որպեսզի հասկանաք անդամների հարաբերությունների մակարդակը: Գովազդի արգելվածությունը, միմյանց նկատմամբ հարգանքը, անբարոյական բովանդակություն ուղարկելու արգելքը, անդամներին անհանգստացնելու դեպքում հեռացնելը, ռասիստական ​​և վիրավորական արտահայտությունների արգելումը խմբերի ընդհանուր կանոններից են։

Մարդիկ սիրում են լինել առաջինը, ով հրապարակում է հետաքրքիր, հուզիչ և սարսափելի նորություններ և բովանդակություն։ Այնուամենայնիվ, այս լուրերից և բովանդակություններից շատերը չեն համապատասխանում իրականությանը: Առցանց միջավայրերում կեղծ լուրերի և բովանդակության տարածումը երբեմն անուղղելի վնաս է հասցնում հասարակության մշակութային և հոգեբանական մարմնին: Այսպիսով, համոզվեք, որ լուրը ճիշտ է, նախքան այն հրապարակելը:

Համապատասխան հաղորդակցման գործիք օգտագործելը ևս մեկ սկզբունք և կանոն է, որը պետք է պահպանվի առցանց հաղորդակցության մեջ: Այսպիսով, օգտագործեք էլփոստը, երբ ցանկանում եք պաշտոնական երկար հաղորդագրություններ ուղարկել: Եթե ​​ցանկանում եք մի քանի նախադասությունից բաղկացած կարճ զրույց ունենալ, օգտագործեք մեսենջերներ: Մեսենջերները թույլ են տալիս արագ հարաբերություններ հաստատել ձեր զուգընկերոջ հետ: Բացի այդ, դրանք այնքան էլ ժամանակատար չեն և օգնում են շատ արագ զրույց ձևավորել։ Քանի որ մեսենջերները թույլ են տալիս աուդիո և տեսազանգեր կատարել ձեր կոնտակտների հետ, դուք կարող եք օգտագործել այս գործիքը ավելի երկար խոսակցությունների համար:Տեսազանգ անելուց առաջ մյուս կողմից թույլտվություն ստացեք և համակարգեք: Առանց նախնական պայմանավորվածության որևէ մեկին տեսազանգ անելը քաղաքավարությունից հեռու է:

Ավելի ընդհանուր քննարկումների համար կարող եք գնալ չաթի խմբեր: Ձեր հետաքրքրություններով և ճաշակով մարդկանց գտնելու համար կարող եք օգտագործել հավելվածներ, որոնք թույլ են տալիս խմբային զրույց վարել: Որոշ կայքեր ունեն նաև ֆորումներ, որտեղ դուք կարող եք մասնակցել ձեր նախընտրած քննարկումներին և հետևել քննարկմանը:

Երբ դուք ինչ-որ բան եք տեղադրում ինտերնետում, հավանական է, որ ձեր գրառումը կհասնի մարդկանց, որ չէիք ցանկանա ընդհանրապես  նրանք  տեսնեն դա: Հնարավոր է, որ վիրտուալ տարածքում ձեր հրապարակած խոսքերն ու կարծիքները ի վերջո հասնեն ձեր ընտանիքի, ընկերոջ, ծանոթի, գործընկերոջ կամ նույնիսկ ձեր գործատուի ականջին։ Ինտերնետում որևէ հաղորդագրություն տեղադրելուց առաջ հաշվի առեք այն կանոնը, որ երբեք չպետք է համացանցում տեղադրեք որևէ բան, որը չէիք ցանկանա ցուցադրել հանրությանը:

Նաև զգույշ եղեք այն փաստից, որ նույնիսկ անձնական տարածքներում, ինչպիսիք են ձեր փակ և անձնական էջերը, ձեր տեղեկությունները կարող են արտահոսել: Օրինակ, ձեր անձնական էջի անդամը կարող է սքրինշոթ անել այն լուսանկարից, որը կիսվել եք միայն ընկերների մերձավոր շրջապատի հետ և տեղադրել այն այլ տեղ: Մեսսենջերներն ու սոցիալական ցանցերն ունեն մի գործառույթ, որը թույլ է տալիս սահմանափակել մարդկանց, ովքեր կարող են տեսնել ձեր հաղորդագրությունն ու գրառումը: Օրինակ, դուք կարող եք ուղարկել ձեր սթորիները միայն որոշակի մարդկանց:

Զգույշ եղեք, որպեսզի գաղտնաբառերը, բանկային տեղեկությունները և այլ զգայուն տեղեկություններ չուղարկեք մեսենջեր հավելվածների և էլ. փոստի միջոցով: Բացի այդ, եթե ինչ-որ մեկը կիսվում է ձեզ հետ լուսանկարով կամ հաղորդագրությունով, դա չի նշանակում, որ ամբողջ համացանցը պատրաստ է իմանալ այդ մասին: Որպես նախազգուշական միջոց, համոզվեք, որ թույլտվություն ստանաք բովանդակության սեփականատիրոջից՝ նախքան ձեզ հետ համօգտագործված բովանդակությունը վերահրապարակելը: Առանց նրանց թույլտվության որևէ մեկի կոնտակտային տվյալները մի տվեք մեկ ուրիշին: Նաև առանց թույլտվության մի կիսվեք ընկերոջ անձնական լուսանկարներով և հուշերով:

Խուսափեք սոցիալական ցանցերում վիճելուց և որևէ թեմայի քննարկումից։ Դա տեղի է ունենում այն ​​պատճառով, որ մարդիկ չեն համարձակվում դեմ առ դեմ քննարկել և նախընտրում են այսպես խոսել: Եթե ​​դա կարևոր խնդիր է, նախընտրելի է, որ դուք պետք է խոսեք միմյանց հետ դեմ առ դեմ և արտահայտեք ձեր տարբերությունները վիրտուալ ցանցերից դուրս գտնվող տարածքում: Մեկ այլ կարևոր խնդիր, որը պետք է հաշվի առնել, այն է, որ չպետք է խզել կապերը ուրիշների հետ սոցիալական ցանցերում։ Շատերն ավարտում են հարաբերությունները՝ հեշտությամբ և առանց որևէ խոսակցության արգելափակելով դիմացինին։ Սա դեմ է քաղաքավարությանն ու հարգանքին ու դիմացինի մոտ երկար ժամանակ տհաճ զգացողություն է առաջացնում։ Իհարկե, երբեմն այլ բան չի մնում, քան դա անել:

Նաև աշխատեք որևէ մեկին չավելացնել խմբին առանց թույլտվության: Առանց թույլտվության մի՛ դիմեք մարդկանց ուղիղ հաղորդագրություններին: Մի՛ ենթարկեք միմյանց քննադատության և կեղծ դատողությունների։ Մի վիրավորեք ուրիշներին և ամենակարևորը անձնական հարցեր մի տվեք ուրիշներին, հատկապես անծանոթներին: Յուրաքանչյուր սոցիալական ցանցում, որին միանում եք, գրեք ձեր իրական անունը, որպեսզի մյուսները հստակ իմանան, թե ում հետ գործ ունեն: Մարդիկ, ովքեր մուտք են գործում կեղծ կամ տարօրինակ անուններով, ամենևին էլ վստահելի չեն:

Եվ վերջապես, առցանց հաղորդակցության կատեգորիան շատ դինամիկ է, և դրա վերաբերյալ կանոնները անընդհատ փոխվում են։ Այնուամենայնիվ, այն, ինչ ասվեց այս հաղորդման մեջ, առողջ և արդյունավետ առցանց հաղորդակցության գլխավոր հիմքերն են։ Թափանցիկությունը, համապատասխան գործիքները և անվտանգությունը կարող են լինել ձեր ճանապարհային քարտեզը՝ առցանց հաղորդակցվելու համար:

Բարեկամներ մինչ նոր հանդիպում եթերում, մաղթում ենք ձեզ լավագույնը: