د افغانستان نیواک ناشونې دی

د افغانستان د ملي مصالحې د شورا مشر د طالبانو له خوا د دغه هیواد نیواک ناممکن وباله

تسنیم خبري آژانس لیکلي چې عبدالله عبدالله داده شو چې که څه هم طالبانو د افغانستان په شمال او شمال ختیځ کښې ځیني پرمختګونه کړي دي خو د دغې ډلې له خوا د ټول هیواد د نیولو هیڅ امکان نشته.

د افغانستان دغه جګ پوړي چارواکي له هیواده د بهرنیو پوځیانو له بشپړې وتنې وروسته په شپږو میاشتو کښې د کابل د سقوط په هکله د خپروشویو ځینو رپورټونو په غبرګون کښې، هغه د طالبانو یو نه پوره کیدونکې خوب وباله.

هغه زیاده کړه: دغه ډله ممکنه ده کوشش وکړي او ځینې مینځ مهاله بریاوې هم ترلاسه کړي او د افغانستان امنیتي ځواکونه شاتګ ته اړ شي خو که طالبان د پوځي بریا انتخاب غوره کړي نو دا به یې محاسباتي تیروتنه وي او د دغې ډلې له خوا د افغانستان د نیولو نه بلکې د جنګ د دوام موندلو سبب به وګرځي.