د هرات د ترهګرې چاودنې پړه داعش ومنله

داعش ترهګرې ډلې د افغانستان په هرات ولایت کښې د پرونۍ چاودنې مسئولیت په غاړه اخیستی دی

داعش ترهګرې ډلې پرون وویل چې د دوي کسانو د افغانستان په لویدیځ کښې په هرات ښار کښې یو بم چاودولی دی.

د ویلو ده چې په هرات کښې د یو مسافري کوسټر یا مِني بس په لاره کښې د بم د چاودیدو له امله اووه تنه ملکي وګړي مړه او لس نور زخمي شوي وو.

داعش ترهګرې ډلې په دې وروستیو میاشتو کښې د افغانستان په مختلفو سیمو کښې څو ترهګرې حملې او چاودنې کړې دي.